طیورِ فکر جو ان کے خیال تک پہنچے
ہمارے رنج و الم عرضِ حال تک پہنچے
Tayoor e fikr jo un ke khayal tak pohanchay
Hamare ranj o alam arz e haal tak pohanchay
سجائے ہجرِ مسلسل نے نعت کے مصرعے
براہِ مدحتِ سرور، وصال تک پہنچے
Sajaye hijr e musalsal ne naat ke misray
Barah e madhat e sarwar, visaal tak pohanchay
مرے کریم نے حاجت روائی پہلے کی
یہ ہونٹ بعد میں حرفِ سوال تک پہنچے
Mere Kareem ne haajat rawaai pehle ki
Yeh hont baad mein harf e sawaal tak pohanchay
حسِین ہو گی ستاروں کی کہکشاں لیکن
نہیں مجال کہ گردِ نعال تک پہنچے
Hussain ho gi sitaron ki kahkashan lekin
Nahi majaal keh gard e naal tak pohanchay
ہمارا فن تو فقط نا تمام خواہش تھا
حروف نعت ہوئے تب کمال تک پہنچے
Hamara fun to faqat na tamaam khwahish tha
Huroof e naat huay tab kamaal tak pohanchay
خجیل ہو کے قمر بادلوں میں چھپ جائے
نگاہ اس کی اگر ان کے گال تک پہنچے
Khajeel ho ke Qamar badalon mein chhup jaye
Nigaah us ki agar un ke gaal tak pohanchay
ستارے بن کے بلندی پہ جگمگانے لگے
جو خوش نصیب شہِ خوش خصال تک پہنچے
Sitaray ban ke bulandi pe jagmagane lage
Jo khush naseeb Shah e khush khisaal tak pohanchay
مدینے پہنچے تو اشفاق میرے دل نے کہا
ہمارے زخمِ کہن اندمال تک پہنچے
Madinay pohanchay to Ashfaq mere dil ne kaha
Hamare zakhm e kuhan indimaal tak pohanchay
Share This Naat
Share with friends and family
طیورِ فکر جو ان کے خیال تک پہنچے
اشفاق احمد غوری