مدحِ سرکار ہے قرآن کی تائید بھی ہے
یہ مرا عشق ہے حسان کی تقلید بھی ہے
Madah-e-Sarkar hai Quran ki ta'eed bhi hai
Ye mera ishq hai Hassan ki taqleed bhi hai
نعت اک عہد ہے اک عہد کی تجدید بھی ہے
روئے قرطاس پہ انوار کی تسوید بھی ہے
Naat ek ahed hai ek ahed ki tajdeed bhi hai
Roye qartas pe anwar ki tasweed bhi hai
فردِ اعمال میں اشعار ہیں کچھ مدحت کے
عشقِ سرکار کا دامان میں خورشید بھی ہے
Fard-e-aamal mein ashaar hain kuch madhat ke
Ishq-e-Sarkar ka daman mein khursheed bhi hai
نعت اور حمد نہ گڈ مڈ ہوں ذرا دھیان رہے
دونوں کے درمیاں واضح خطِ تحدید بھی ہے
Naat aur hamd na gud mud hon zara dhyaan rahe
Dono ke darmiyan wazeh khat-e-taadeed bhi hai
سنتِ شاہِ امم پر ہو عمل ہر لمحہ
اتباعِ شہِ کونین کی تاکید بھی ہے
Sunnat-e-Shah-e-Ummam par ho amal har lamha
Ittiba-e-Shah-e-Konain ki takeed bhi hai
شوق سنگِ درِ محبوب کا ہے سینے میں
خواب آنکھوں میں ہے تعبیر کی امید بھی ہے
Shoq sang-e-dar-e-mehboob ka hai seenay mein
Khawab aankhon mein hai ta'abeer ki umeed bhi hai
نعت اشفاق دکھاتی ہے رہِ عشقِ نبی
نعت ایمان کی تکمیل بھی تمہید بھی ہے
Naat Ashfaq dikhati hai rahi-e-ishq-e-Nabi
Naat imaan ki takmeel bhi tamheed bhi hai
Share This Naat
Share with friends and family
مدحِ سرکار ہے قرآن کی تائید بھی ہے
اشفاق احمد غوری