صد شُکر ملی مجھ کو گدائی ترے در کی
حصے میں غلامی مرے آئی ترے در کی
Sad shukar mili mujh ko gadayi tere dar ki
Hisse mein ghulami mere aayi tere dar ki
محسوس ہُوا یُوں مجھے حاضر ہوں وہاں میں
جب بات کسی نے ہے سُنائی ترے در کی
Mahsus hua yun mujhe hazir hoon wahan mein
Jab baat kisi ne hai sunayi tere dar ki
نقشہ نہ مرے دل سے نکل پائے گا ہر گِز
تصویر ہے وہ اس میں بسائی ترے در کی
Naqsha na mere dil se nikal paye ga har giz
Tasveer hai woh is mein basai tere dar ki
کیا اُس کو غرض دیکھے وہ آرائشِ جنت
نظروں میں چمک جس کی سمائی ترے در کی
Kya us ko gharaz dekhe woh araaish-e-jannat
Nazron mein chamak jis ki samai tere dar ki
قرآن میں جآوُکَ ہے فرمان خدا کا
خالق نے ہے خود راہ دکھائی ترے در کی
Quran mein Jaa’uka hai farmaan Khuda ka
Khaliq ne hai khud raah dikhai tere dar ki
وہ صحنِ حرم مسجد و محراب وہ گنبد
دلکش ہے بہت جلوہ نُمائی ترے در کی
Woh saahn-e-haram masjid o mehrab woh gunbad
Dilkash hai bohat jalwa numai tere dar ki
جتنے بھی کہ ذی شان ہیں اور جتنے بڑے ہیں
کرتے ہیں بیاں سارے بڑائی ترے در کی
Jitne bhi ke zee shaan hain aur jitne baday hain
Karte hain bayan saaray badayi tere dar ki
محتاج وگدا یا کہ ہوں سلطانِ زمانہ
ہر ایک نے خیرات ہے پائی ترے در کی
Mohtaaj o gadaa ya keh hoon sultan-e-zamana
Har aik ne khairaat hai pai tere dar ki
سو بار زیارت ہو تو پھر تِشنہ لبی ہے
رہ رہ کے ہے پھر آس لگائی ترے در کی
Sau baar ziyaarat ho to phir tishna labi hai
Reh reh ke hai phir aas lagai tere dar ki
جِتنا بھی کروں شُکر ادا اِس پہ وہ کم ہے
مولیٰ نے ہے تنویر دِکھائی ترے در کی
Jitna bhi karoon shukar ada is pe wo kam hai
Maula ne hai Tanveer dikhai tere dar ki
مرزا کے لئے کاش کہ بخشش کی سند ہو
کرتا ہے جو یہ مدح سرائی ترے در کی
Mirza ke liye kaash ke bakhshish ki sanad ho
Karta hai jo yeh madah sarai tere dar ki
Share This Naat
Share with friends and family
صد شُکر ملی مجھ کو گدائی ترے در کی
مرزا جاوید بیگ عطاری