قفسِ جسم سے چھٹتے ہی یہ پَرّاں ہوگا
مرغِ جاں ُگنبدِ خضرا پہ غزل خواں ہوگا
Qafas-e-jism se chuttay hi yeh parran hoga
Murgh-e-jaan gumbad-e-khazra pe ghazal khwaan hoga
روز و شب مرقدِ اَقدس کا جو نگراں ہوگا
اپنی خوش بختی پہ وہ کتنا نہ نازاں ہوگا
Roz o shab marqad-e-aqdas ka jo nigraan hoga
Apni khush bakhti pe woh kitna na naazaan hoga
اُس کی قسمت کی قسم کھائیں فرشتے تو بجا
عید کی طرح وہ ہر آن میں شاداں ہوگا
Us ki qismat ki qasam khain farishtay to baja
Eid ki tarah woh har aan mein shaadaan hoga
اس کی فرحت پہ تصدق ہوں ہزاروں عیدیں
کب کسی عید میں ایسا کوئی فرحاں ہوگا
Is ki farhat pe tasadduq hon hazaron eiden
Kab kisi eid mein aisa koi farhaan hoga
چمنِ طیبہ میں تو دل کی کلی کھلتی ہے
کیا مَدینے سے سوا روضۂ رِضواں ہوگا
Chaman-e-taiba mein to dil ki kali khilti hai
Kya Madine se siwa rozah-e-rizwan hoga
وہ گلستاں ہے جہاں آپ ہوں اے جانِ جناں
آپ صحرا میں اگر آئیں گلستاں ہوگا
Woh gulistan hai jahan aap hoon ai jaan-e-jinaan
Aap sehra mein agar aain gulistan hoga
آپ آجائیں جو چمن سے تو چمن جانِ چمن
خاصہ ِاک خاک بسر دشتِ مُغِیلاں ہوگا
Aap aajaen jo chaman se to chaman jaan-e-chaman
Khaasa-e-ek khaak basar dasht-e-mugheelaan hoga
جانِ اِیماں ہے محبت تری جانِ جاناں
جس کے دل میں یہ نہیں خاک مسلماں ہوگا
Jaan-e-imaan hai mohabbat teri jaan-e-janaan
Jis ke dil mein yeh nahi khaak musalmaan hoga
دَردِ فرقت کا مَداوا نہ ہوا اور نہ ہو
کیا طبیبوں سے مرے دَرد کا دَرماں ہوگا
Dard-e-furqat ka madaawa na hua aur na ho
Kya tabeebon se mere dard ka darmann hoga
جس نے تبرید بتائی خفقاں ہوگا اُسے
کیا ٹھنڈائی سے علاجِ تپِِِ ہجراں ہوگا
Jis ne tabreed bataai khafqaan hoga usay
Kya thandai se ilaaj-e-tap-e-hijraan hoga
کہربائی نہ ہو کیوں رنگ مرے چہرے کا
جتنا اِیقان بڑھا اتنا ہی ترساں ہوگا
Kahrbai na ho kyun rang mere chehre ka
Jitna imaan barha utna hi tarsaan hoga
نورِ اِیماں کی جو مَشعَل رہے روشن پھر تو
روز و شب مرقدِ نوریؔ میں چراغاں ہوگا
Noor-e-imaan ki jo mashal rahe roshan phir to
Roz o shab marqad-e-Noori mein charaghan hoga
اِک غزل اَور چمکتی سی سنادے نوریؔ
دل جلا پائے گا میرا ترا احساں ہوگا
Ik ghazal aur chamakti si sunade Noori
Dil jala paayega mera tera ehsaan hoga
Share This Naat
Share with friends and family
قفسِ جسم سے چھٹتے ہی یہ پَرّاں ہوگا
مفتی مصطفٰی رضا خان