ہر پیمبر دی تمنا اے مدینے والا
حسن خالق دا نمونہ اے مدینے والا
har paimber di tamanna ae madine wala
husn khaliq da namuna ae madine wala
سب دے دُکھاں دا عطا کردا اے دارو سوہنا
سارے بُھکیاں نوں رجاندا اے مدینے والا
sab de dukh'an da 'ata karda ae daru soh'na
sare bhuk'ian nu rajanda ae madine wala
قید نہیں دن دی تے ناں رات دی اوتھے کوئی
جھولیاں بھردا ای رہندا اے مدینے والا
qaid nai din di te na raat di othe koi
jhuli'an bharda ee rehnda ae madine wala
ساری دُنیا تے حکومت اے میرے سوہنے دی
حکم ہر شے تے چلاندا اے مدینے والا
sari duniya te hukumat ae mere soh'ne di
hukm har she te chalaanda ae madine wala
سارے اللہ دے خزانے نے خزانے اوہدے
کر عطا دیندا جو چاہندا اے مدینے والا
sare Allah de khazane ne khazane oh'de
kar 'ata dinda jo chaahnda ae madine wala
اک سمندر اے عطا دا تے وفا دا سوہنا
ونڈدا خیرات ناں تھکدا اے مدینے والا
ik samundar ae 'ata da te wafa da soh'na
vanda khairat na thakda ae madine wala
اپنے صائم تے ردا اپنے کرم دی دے کے
قہر دی دُھپ توں بچاندا اے مدینے والا
apne saim te rida apne karam di de ke
qahr di Dhup to bachanda ae madine wala
Share This Naat
Share with friends and family
ہر پیمبر دی تمنا اے مدینے والا
علامہ صائم چشتی