پُوچھتے مُجھ سے تُم ہو کیا صاحب
ہے کرم سب حضور کا صاحب
Poochte mujh se tum ho kya sahib
Hai karam sab Huzoor ka sahib
مجھ کو حاصل ہیں نعمتیں جِتنی
میرے آقا کی ہے عطا صاحب
Mujh ko hasil hain naimaten jitni
Mere aaqa ki hai ata sahib
ذکرِ سرکار وِرد کر لو گر
دل ہے غمگین آپ کا صاحب
Zikr-e-Sarkar wird kar lo gar
Dil hai ghamgeen aap ka sahib
سیرتِ مصطفیٰ کو اپنا لو
زندگی ہوگی خوش نُما صاحب
Seerat-e-Mustafa ko apna lo
Zindagi hogi khush numa sahib
عِطر کیا چاہے جِس کو آقا کا
گر پسینہ ہے مِل گیا صاحب
Itra kya chahye jis ko aaqa ka
Gar paseena hai mil gaya sahib
خُوں کے پیاسوں کو دے اماں ایسا
کوئی دیکھا ہے رہنما صاحب
Khoon ke pyason ko de amaan aisa
Koi dekha hai rehnuma sahib
دیکھو کردارِ فاتحِ مکہ
ایسے ہوتے ہیں پیشوا صاحب
Dekho kirdar-e-Fateh-e-Makka
Aise hote hain peshwa sahib
ہم ہیں گُفتار کے فقط غازی
یہ ہمارا ہے المیہ صاحب
Hum hain guftaar ke faqat Ghazi
Yeh humara hai almia sahib
مُلتجی ہے یہ مسجدِ اقصیٰ
کوئی ایوب آئے گا صاحب
Multaji hai yeh Masjid-e-Aqsa
Koi Ayub aaye ga sahib
آسماں سے ملائکہ آئیں
بدر کی ہو اگر فضا صاحب
Aasman se malaika aayein
Badr ki ho agar fiza sahib
عرض کرتا ہے بس یہی مرزا
تُم رہو دِیں کے باوفا صاحب
Arz karta hai bas yehi Mirza
Tum raho deen ke bawafa sahib
Share This Naat
Share with friends and family
پُوچھتے مُجھ سے تُم ہو کیا صاحب
مرزا جاوید بیگ عطاری