بڑھے گی الفتِ رسول بے بہا درود پڑھ
کِھلیں گے قربتوں کے پھول بے بہا درود پڑھ
Barray gi ulfat-e-rasul be baha darood parh
Khilain ge qurbaton ke phool be baha darood parh
اسی سے ہوگا خوب کوئے قلب و جاں کا تزکیہ
ہٹیں گے راہ سے ببول بے بہا درود پڑھ
Isi se ho ga khoob koe qalb o jaan ka tazkiya
Hatain ge raah se babool be baha darood parh
فروعی مسئلوں پہ دوستوں سے دشمنی نہ کر
نہ بات چیت کر فضول بے بہا درود پڑھ
Frooi masailon pe doston se dushmani na kar
Na baat cheet kar fazool be baha darood parh
اگر تو سانس لینا بھولنا پڑے تو بھول جا
کریم کو کبھی نہ بھول بے بہا درود پڑھ
Agar tu saans lena bhoolna paray to bhool ja
Karim ko kabhi na bhool be baha darood parh
بغیر اس کے راستے میں ہی رہے گی ہر دعا
ملے گا تب درِ قبول بے بہا درود پڑھ
Baghair is ke raste mein hi rahay gi har dua
Milay ga tab dar-e-qubool be baha darood parh
یہی بنے گا قیدِ نار سے نجات کا سبب
جناں میں چاہئے دخول بے بہا درود پڑھ
Yehi banay ga qaid-e-naar se nijaat ka sabab
Jinan mein chahiye dakhool be baha darood parh
Share This Naat
Share with friends and family
بڑھے گی الفتِ رسول بے بہا درود پڑھ
اشفاق احمد غوری