naat
قسم یاد فرمائی قرآں نے جن کی وہی تو مری زیست کے مدعا ہیں
قسم یاد فرمائی قرآں نے جن کی وہی تو مری زیست کے مدعا ہیں
مرے دل کی دھڑکن میں ہے نام ان کا وہی تو مری روح کے منتہیٰ ہیں
Qasam yaad farmaai quraan ne jin ki wahi to meri zeest ke mad'aa hain
Mere dil ki dhadkan mein hai naam un ka wahi to meri rooh ke muntaha hain
افق سے شفق تک انہی کے ہیں چرچے زمیں سے فلک تک انہی کی حکومت
وہ انسان و جن و ملائک کے آقا، وہی قاسمِ نعمتِ کبریا ہیں
Ufaq se shafaq tak unhi ke hain churche zameen se falak tak unhi ki hukoomat
Woh insaan o jin o malaaik ke aaqa, wahi qasim-e-naimat-e-kibriya hain
وہ دربارِ رب کے ہیں مقبولِ اعظم، وہی سبز پوشوں میں سب سے معظم
وہی محترم، محتشم اور مکرم، بس اتنا سمجھ لو حبیبِ خدا ہیں
Woh darbaar-e-rab ke hain maqbool-e-a'zam, wahi sabz poshon mein sab se 'moazzam
Wahi muhtaram, muhtasham aur mukarram, bas itna samajh lo habib-e-khuda hain
وہ شانِ کریمی کہ دشمن کو اپنے معافی دیں، انعام سے بھی نوازیں
وہ شان رحیمی میں ممتاز سب سے، وہ حاجتِ رواؤں کے حاجت روا ہیں
Woh shaan-e-kareemi ke dushman ko apne maafi dein, inaam se bhi nawazain
Woh shaan raheemi mein mumtaz sab se, woh haajat e rawao ke haajat rawa hain
انہی کی رفاقت کا اللہ نے ایک دن ساری روحوں سے وعدہ لیا تھا
وہ عیسیٰ کی جاں اور تمنائے موسیٰ، وہی تو خلیلِ خدا کی دعا ہیں
Unhi ki rafaakat ka Allah ne ek din saari roohon se waada liya tha
Woh Eesa ki jaan aur tamannaye Moosa, wahi to Khalil-e-Khuda ki dua hain
وہ ممدوحِ قرآں وہ مقصودِ ایماں وہ ایمان کی جاں وہ ایماں کا ایماں
وہ محشر کے دن ان کی فرماں روائی، وہ مشکل کشاؤں کے مشکل کشا ہیں
Woh mamdooh-e-quraan woh maqsood-e-eeman woh eeman ki jaan woh eeman ka eeman
Woh mahshar ke din un ki farmaa ruai, woh mushkil kushaon ke mushkil kusha hain
ہمیں شاہِ برکات نے یہ سکھایا مدینہ سدا اپنے سینے میں رکھنا
نبی کی اطاعت ہو ایماں ہمارا، جئیں اور مریں جیسے سرکار چاہیں
Humein shaah e barkaat ne ye sikhaya Madina sada apne seene mein rakhna
Nabi ki itaat ho eeman humara, jeen aur mareen jaise sarkar chahain
میں اچھے میاں کے مکاں کا مکیں ہوں، میں ہوں شاہ نوری کی گدّی کا وارث
مری پشت پر میرے مرشد کا پنجہ وہی ہر قدم پر مرے رہنما ہیں
Main ache mian ke makan ka makeen hoon, main hoon shaah Noori ki gaddi ka waaris
Meri pusht par mere murshid ka panja wahi har qadam par mere rahnuma hain
مجھے ورغلانے جو ابلیس آیا تو میں نے اسے اتنا کہہ کر بھگایا
مری روح پر قبضہ سید میاں کا مرے دل کے مختار احمد رضا ہیں
Mujhe varghalaane jo iblees aaya to main ne use itna keh kar bhagaya
Meri rooh par qabza Syed Mian ka mere dil ke mukhtar Ahmed Raza hain
یہ مارہرہ کی وہ مقدس زمیں ہے جہاں قادری میکدہ سج گیا ہے
یہاں ایک ساقی ہیں بغداد والے تو اک ساقی سرکار خواجہ پیا ہیں
Ye Marahra ki woh muqaddas zameen hai jahan Qadri maikada saj gaya hai
Yahan ek saaqi hain Baghdad wale to ek saaqi sarkar Khwaja piya hain
بڑی دور سے نظمی آیا ہے در پر لیے چشمِ نمناک اور قلبِ مضطر
کرم کی نظر آقا اپنے گدا پر بہت ہوچکیں اب تو آہیں کراہیں
Bari door se Nazmi aaya hai dar par liye chashm-e-namnaak aur qalb-e-muztar
Karam ki nazar aaqa apne gada par bohat ho chukin ab to ahein krahein
Share This Naat
Share with friends and family
قسم یاد فرمائی قرآں نے جن کی وہی تو مری زیست کے مدعا ہیں
سید آل رسول حسنین میاں برکاتی نظمی