سانول سوہنا یار یار انوکھڑا
لنگھیا عرشوں پار یار انوکھڑا
Sanwal sohna yaar yaar anokhra
Langhiya arshon paar yaar anokhra
دو جگ تے اوہدی سلطانی جبرائیل کرے دربانی
نبیاں دا سردار یار انوکھڑا
Do jag te ohdi sultani Jibraeel kare darbani
Nabiyaan da sardar yaar anokhra
آیا جد کونین دا والی ہر پاسے ہوئی ہریالی
مہک پئی گلزار یار انوکھڑا
Aaya jad konain da waali har paase hoi hariyali
Mehak pyi gulzar yaar anokhra
چن توڑے سورج پرتاوے جو چاہوے اوہ کر دکھلاوے
ہے کلی مختار یار انوکھڑا
Chan tarde sooraj partaave jo chaave oh kar dikhlaave
Hai kali mukhtar yaar anokhra
جھکدے جھکدے ڈردے ڈردے نبی ولی سب عرضاں کر دے
سوہنے دے دربار یار انوکھڑا
Jhukde jhukde ddarde ddarde nabi wali sab arzaan kar de
Sohne de darbaar yaar anokhra
روضے دے میں گردے گھماں مڑ مڑ سوہنیاں جالیاں چماں
شکر کراں لکھ وار یار انوکھڑا
Rodhe de main girde ghumaan mud mud sohnian jalian chamaaan
Shukar karaan lakh waar yaar anokhra
سکے رکھ مڑ ہوون ساوے جے میرے گھر پھیرا پاوے
اوه میرا من ٹھار یار انوکھڑا
Sake rakh mud hovon saave je mere ghar phera paave
Oh mera man thaar yaar anokhra
جنہاں سیاں دیاں اکھیاں لڑیاں رہن اڈیکاں دے وچ کھڑیاں
بھلیاں ہار شنگار یار انوکھڑا
Jinaan siyaan diyaan akhiyaan ladian rehan adeekan de wich khadian
Bhaliyan haar shingaar yaar anokhra
کی میری اوقات نیازی یار دی ہو گئی کرم نوازی
ہو گیا بیڑا پار یار انوکھڑا
Ki meri auqaat Niazi yaar di ho gai karam nawazi
Ho gaya bera paar yaar anokhra
Share This Naat
Share with friends and family
سانول سوہنا یار یار انوکھڑا
عبدالستار نیازی