افسوس! بہت دُور ہوں گلزارِ نبی سے
کاش آئے بُلاوا مجھے دربارِنبی سے
Afsos! bohat door hoon gulzaar-e-Nabi se
Kaash aaye bulaawa mujhe darbaar-e-Nabi se
الفت ہے مجھے گیسوئے خَمدارِ نبی سے
اَبرو و پَلک آنکھ سے رُخسارِنبی سے
Ulfat hai mujhe gesoo-e-khamdaar-e-Nabi se
Abroo o palk aankh se rukhshaar-e-Nabi se
پَیراہَن و چادر سے عصا سے ہے مَحَبَّت
نَعلَیْنِ شَرِیفَین سے دَستارِ نبی سے
Pairahan o chaadar se asaa se hai mohabbat
Na’lain-e-shareefain se dastaar-e-Nabi se
بُوصَیری! مبارَک ہو تمہیں بُردِ یَمانی
سوغات ملی خوب ہے دربارِنبی سے
Busairi! mubarak ho tumhein burd-e-Yamaani
Saugat mili khoob hai darbaar-e-Nabi se
بیمار! نہ مایوس ہو تُو حُسنِ یقیں رکھ
دم جا کے کرالے کسی بیمارِ نبی سے
Beemaar! na mayoos ho tu husn-e-yaqeen rakh
Dam ja ke kara le kisi beemaar-e-Nabi se
تُوخواب میں حَسنین کے صدقے میں خدایا
فرما دے مُشَرَّف مجھے دیدارِنبی سے
Tu khwab mein Hasnain ke sadqe mein Khudaaya
Farma de musharraf mujhe deedaar-e-Nabi se
اللہ کو مانے جو محمد کو نہ مانے
لارَیب وہ ناری ہوا اِنکارِنبی سے
Allah ko maane jo Muhammad ko na maane
La raib woh naari hua inkaar-e-Nabi se
وہ نارِ جہنَّم کا ہے حقدار یقینا
ہے جس کو عداوت کسی بھی یارِنبی سے
Woh naar-e-jahannam ka hai haqdar yaqeenan
Hai jisko adawat kisi bhi yaar-e-Nabi se
اے زائرِ طیبہ! یہ دعا کر مِرے حق میں
مجھ کو بھی بُلاوا ملے دربارِنبی سے
Ae zaair-e-Tayyiba! ye dua kar mere haq mein
Mujh ko bhi bulaawa mile darbaar-e-Nabi se
دنیا کے نظاروں سے بھَلا کیا ہو سَروکار
عُشَّاق کو بس عشق ہے گلزارِنبی سے
Duniya ke nazaron se bhala kya ho sarokaar
Ushshaaq ko bas ishq hai gulzaar-e-Nabi se
دیوانوں کے آنسو نہیں تھمتے دمِ رخصت
جب سُوئے وطن جاتے ہیں دربارِنبی سے
Deewanon ke aansoo nahin thamtay dam-e-rukhsat
Jab soo’e watan jaate hain darbaar-e-Nabi se
جلووں سے خدایا مِرا سینہ ہو مدینہ
آنکھیں بھی ہوں ٹھنڈی مِری دیدارِنبی سے
Jalwon se Khudaaya mera seenah ho Madinah
Aankhen bhi hoon thandi meri deedaar-e-Nabi se
سنّت ہے سفر دین کی تبلیغ کی خاطِر
ملتا ہے ہمیں درس یہ اَسفارِ نبی سے
Sunnat hai safar deen ki tableegh ki khaatir
Milta hai humein dars yeh asfaar-e-Nabi se
مستانہ مدینے میں خدا ایسا بنادے
ٹکرا کے میں دم توڑ دوں دیوارِنبی سے
Mastaana Madine mein Khuda aisa bana de
Takkra ke main dam toor doon deewaar-e-Nabi se
صَدقے میں مِرے غوث کے ہو دُور اندھیرا
تُربت ہو مُنوّر مِری انوارِنبی سے
Sadqe mein mere Ghous ke ho door andhera
Turbat ho munawwar meri anwaar-e-Nabi se
جب قبر میں آئیں گے تو قدموں میں گِروں گا
خوب آنکھیں ملوں گا میں تو پَیزارِ نبی سے
Jab qabr mein aayenge to qadamoon mein girunga
Khoob aankhen miloonga main to paizaar-e-Nabi se
عطارؔ ہے ایماں کی حفاظت کا سُوالی
خالی نہیں جائے گا یہ دربارِ نبی سے
Attar hai imaan ki hifazat ka sawaali
Khaali nahin jaayega yeh darbaar-e-Nabi se
Share This Naat
Share with friends and family
افسوس! بہت دُور ہوں گلزارِ نبی سے
الیاس عطار قادری