فرازِ عرش پہ معراجِ معنوی کیا ہے
درِ نبی ہو میسّر تو بندگی کیا ہے
Faraaz-e-arsh pe mairaaj-e-maanvi kya hai
Dar-e-Nabi ho mayassar to bandagi kya hai
خدا گواہ! مسلسل ہے بولتا قرآں
حضور سیّد عالم کی زندگی کیا ہے
Khuda gawah! musalsal hai bolta Qur-aan
Huzoor Sayyad-e-Alam ki zindagi kya hai
ہر ایک سانس کی آواز یا رسول اللہ
ہم اہلِ عشق کا مفہومِ زندگی کیا ہے
Har aik saans ki awaaz ya Rasul Allah
Hum ahl-e-ishq ka mafhoom-e-zindagi kya hai
بغیر ان کے عبادت کا حق بھی ہے نا حق
مقام حشر میں تم دیکھنا ابھی کیا ہے
Baghair un ke ibaadat ka haq bhi hai na haq
Maqaam-e-Hashr mein tum deekhna abhi kya hai
خدائی بھر میں خدا ساز کثرتِ جلوہ
خدا سے پوچھو مقام محمدی کیا ہے
Khudaai bhar mein Khuda saaz kasrat-e-jalwa
Khuda se poochho maqaam-e-Muhammadi kya hai
ہم ان کے نام سے مخمور و مست رہتے ہیں
خطا معاف ہو کوثر کی مے کشی کیا ہے
Hum un ke naam se makhmoor o mast rehte hain
Khata maaf ho kausar ki mai kashi kya hai
ہمارے آنسووں میں روحیں مسکراتی ہیں
غمِ حسین سلامت تو پھر خوشی کیا ہے
Hamare aansuon mein ruhain muskuraati hain
Gham-e-Hussain salaamat to phir khushi kya hai
کہاں میں اور کہاں مدح مالکِ کونین
صبؔیح ان کا کرم ہے یہ شاعری کیا ہے
Kahan main aur kahan madah Maalik-e-Kownain
Sabiḥ un ka karam hai yeh shayeri kya hai
Share This Naat
Share with friends and family
فرازِ عرش پہ معراجِ معنوی کیا ہے
سید صبیح الدین صبیح رحمانی