صیغہء حمد سے و ہ اسم ِ شریف
ابدی استعارہ توصیف
Sigah-e-Hamd se Woh Ism-e-Shareef
Abdi Isti'arah Tauseef
حق ادا کیا ہو ان کی نسبت کا
نام جن کے ہے زیست کی تصنیف
Haq ada kiya ho un ki nisbat ka
Naam jin ke hai zeest ki tasneef
پھول کیا کیا کھلاتی ہے ہر آن
بادِ لطف و کرم کی موج ِ لطیف
Phool kya kya khilati hai har aan
Baad-e-lutf o karam ki mauj-e-lateef
معتبر آپؐ کی توجہ سے
میرے ایمان کی متاع ضعیف
Mu'tabar aapؐ ki tawajjo se
Mere imaan ki mata-e-za'eef
جلوہ گر آپؐ ہر زمانے میں
آپؐ کا آئنہ ہے دینِ حنیف
Jalwa gar aapؐ har zamane mein
Aapؐ ka aaina hai deen-e-haneef
ہوا خیر القرون کا آغاز
آپؐ طیبہ میں لائے جب تشریف
Huwa khair ul quroon ka aghaz
Aapؐ Taiba mein laye jab tashreef
ان کا صدقہ بہارِ فکر و نظر
ان کا ورثہ قلوب کی تالیف
Un ka sadqa bahar-e-fikr o nazar
Un ka virsa quloob ki taleef
ان کی رحمت اٹھائے پھرتی ہے
جسم میرا ہے گو نزار و نحیف
Un ki rehmat uthaye phirti hai
Jism mera hai go nazar o naheef
شاق ان پر گزرتی ہے تائب
مومنوں کی اذیّت و تکلیف
Shaq un par guzarti hai taib
Mominon ki aziyat o takleef
Share This Naat
Share with friends and family
صیغہء حمد سے و ہ اسم ِ شریف
حفیظ تائب