مدحت سدا حضور کی لکھتا رہوں گا میں
یُوں عُمر بھر یہ نوکری کرتا رہوں گا میں
Midhat sada Huzoor ki likhta rahoon ga main
Yoon umr bhar yeh naukari karta rahoon ga main
یہ چاکری حضور کی جاری رہی اگر
پُختہ یقین ہے کہ سنورتا رہوں گا میں
Yeh chakri Huzoor ki jari rahi agar
Pukhta yaqeen hai ke sanwarta rahoon ga main
گرد و غُبارِ وقت کے ہونے کے باوجود
لکھتا رہوں گا نعت ، نکھرتا رہوں گا میں
Gard o gubar-e-waqt ke hone ke bawajood
Likhta rahoon ga naat, nikharta rahoon ga main
صلِّ علٰی کا ذکر ہے توشہ ، سو اِس لئے
دامن کو ذکرِ خیر سے بھرتا رہوں گا میں
Salli ala ka zikr hai tosha, so is liye
Daman ko zikr-e-khair se bharta rahoon ga main
ہر دُشمنِ رسول سے اپنے قلم کے ساتھ
ہر بار ہر محاذ پہ لڑتا رہوں گا میں
Har dushman-e-Rasool se apne qalam ke sath
Har bar har mahez pe larta rahoon ga main
سرپر مرے کریم کا دستِ کرم جو ہے
میداں میں جان و دل سے اُترتا رہوں گا میں
Sarpar mere Kareem ka dast-e-karam jo hai
Medaan mein jaan-o-dil se utarta rahoon ga main
پہنچا نہ پائے گا مُجھے شیطان بھی گزند
سُنّت پہ جب تلک یوں ہی چلتا رہوں گا میں
Pohncha na paye ga mujhe Shaitaan bhi gazand
Sunnat pe jab talak yoon hi chalta rahoon ga main
میں جالیوں کے سامنے جاؤں گا جس گھڑی
اشکوں سے تر نگاہ سے تکتا رہوں گا میں
Main jaliyon ke samne jaon ga jis ghari
Ashkon se tar nigah se takta rahoon ga main
چلتی رہے گی سانس مری جب تلک جلیل
بس مدحتِ حضور ہی کرتا رہوں گا میں
Chalti rahe gi saans meri jab talak Jaleel
Bas midhat-e-Huzoor hi karta rahoon ga main
Share This Naat
Share with friends and family
مدحت سدا حضور کی لکھتا رہوں گا میں
حافظ عبدالجلیل