پلکوں پہ تھا لرزاں دل دربارِ رسالتؐ میں
آساں ہوئی ہر مشکل دربارِ رسالتؐ میں
Palkon pe tha larzaan dil darbar-e-rsalatؐ mein
Aasaan hui har mushkil darbar-e-rsalatؐ mein
احساسِ ندامت سے تھی روح بھی لرزیدہ
جب پیش ہوا سائل دربارِ رسالتؐ میں
Ehsas-e-nadamat se thi rooh bhi larzeeda
Jab paish hua sael darbar-e-rsalatؐ mein
فانوس فروزاں تھے آنکھیں بھی منور تھیں
ہر لحظہ تھی کیا جھلمل دربارِرسالتؐ میں
Fanoos farozaan the aankhen bhi munawar thin
Har lamha thi kya jhalmal darbar-e-rsalatؐ mein
انوارِ ملائک تھے ، شیخین کے جلوے تھے
محفل تھی عجب محفل دربار ِ رسالتؐ میں
Anwar-e-malaik the, Shaikhain ke jalway the
Mahfil thi ajab mahfil darbar-e-rasalatؐ mein
راتوں کے اجالو ں میں چھپ چھب کے اترتے تھے
کتنے ہی مہِ کامل دربارِ رسالتؐ میں
Raton ke ujalo mein chhup chhub ke utarte the
Kitne hi meh-e-kamil darbar-e-rasalatؐ mein
سرشاری کے عالم میں جاں سے نہ گزر پائے
گو جسم نہ تھا حائل دربارِ رسالتؐ میں
Sarshari ke aalam mein jaan se na guzar paye
Go jism na tha hael darbar-e-rasalatؐ mein
نام اس کو کوئی دینا ممکن ہے کہاں تائب
جو چیز ہوئی حاصل دربارِ رسالتؐ میں
Naam is ko koi dena mumkin hai kaha taeb
Jo cheez hui hasil darbar-e-rasalatؐ mein
Share This Naat
Share with friends and family
پلکوں پہ تھا لرزاں دل دربارِ رسالتؐ میں
حفیظ تائب