نور ہی نور ہے، دیکھو تو انسان لگے
پڑھنے لگ جاؤ جو اس کو تو وہ قرآن لگے
Noor hi noor hai, dekho to insaan lage
Parhne lag jao jo us ko to woh Qur'an lage
اُسکی ہر بات ہے احکامِ الہٰی کی طرح
کرو ایمان کی تشریح تو ایمان لگے
Uski har baat hai ahkam-e-ilahi ki tarah
Karo imaan ki tashreeh to imaan lage
اس کو چاہا اُسے سوچا اُسے سمجھا ہے بہت
عدل ہی عدل ہے احسان ہی احسان لگے
Is ko chaha use socha use samjha hai bohot
Adal hi adal hai ehsaaan hi ehsaan lage
اُس کے ہاتھوں کے نشاں ڈھونڈھنا پتواروں پر
خود بخود ناؤ کنارے پہ اگر آن لگے
Us ke haathon ke nishaan dhondhna patwaron par
Khud bakhud nao kinare pe agar aan lage
ہم کو آتی ہے ہر اک پھول سے اسکی خوشبو
زندگی اس کے خیالات کا گلدان لگے
Hum ko aati hai har aik phool se uski khushbu
Zindagi us ke khayalaat ka guldan lage
اسکی آوازِ قدم پر ہوئی دنیا تعمیر
وہ کہیں غار حرا اور کہیں فاران لگے
Uski aawaaz-e-qadam par hui duniya tameer
Woh kahin Ghaar-e-Hira aur kahin Faraan lage
رائے کیا اپنے ہی بارے میں مظفر دے گا
لوگ کہتے ہیں کہ اس دور کا حسّان لگے
Raye kya apne hi bare mein Muzaffar de ga
Log kehte hain ke is daur ka Hassaan lage
Share This Naat
Share with friends and family
نور ہی نور ہے، دیکھو تو انسان لگے
مظفر وارثی