تیری صورت سے منور ہے اجالوں کا جمال
تیری سیرت سے مکمل ہے کمالوں کا جمال
Teri soorat se munawwar hai ujaalon ka jamaal
Teri seerat se mukammal hai kamaalon ka jamaal
فنِ تمثیل نگاری کے محاسن کا فروغ
وہ ترے روئے تکلم پہ مثالوں کا جمال
Fan-e-tamseel nigari ke mahaasin ka farog
Wo tere roy-e-takallum pe misaalon ka jamaal
پھول ہیں کاسہ بکف خارِ مدینہ کے حضور
منفعل پیشِ سگِ طیبہ غزالوں کا جمال
Phool hain kaasa ba-kaf khaar-e-Madina ke huzoor
Munfail paish-e-sag-e-Taybah ghazaalon ka jamaal
واہ رے تزکیۂِ نفس میں سرعت تیری
تو نے لمحوں میں عطا کردیا سالوں کا جمال
Wah re tazkiya-e-nafs mein sur'at teri
Tu ne lamhon mein 'ata kar diya saalon ka jamaal
ہیں کفِ شوق پہ روشن تِری یادوں کے دِیے
اس لیے ہے مری راتوں میں اجالوں کا جمال
Hain kaf-e-shauq pe roshan teri yaadon ke diye
Is liye hai meri raaton mein ujaalon ka jamaal
تابشِ روئے بلاغت نہیں زائل ہوگی
تا ابد ہے مرے افصح کے مقالوں کا جمال
Taabish-e-roye-balaaghat nahi zail hogi
Ta abadd hai mere afsah ke maqaalon ka jamaal
رونقِ بزم نہ کیوں شعرِ معظمؔ ہو کہ جب
چہرۂِ فکر پہ ہے تیرے خیالوں کا جمال
Ronaq-e-bazm na kyon sher-e-Moazzam ho ke jab
Chehra-e-fikr pe hai tere khayaalon ka jamaal
Share This Naat
Share with friends and family
تیری صورت سے منور ہے اجالوں کا جمال
معظم سدا معظم مدنی