اُویسیوں میں بیٹھ جا بلالیوں میں بیٹھ جا
طلب ہے کچھ تو بے طلب سوالیوں میں بیٹھ جا
Uwaision mein baith ja balalion mein baith ja
Talab hai kuch to be talab sawalion mein baith ja
یہ معرفت کے راستے ہیں اہل دل کے واسطے
جنیدیوں سے جا کے مل غزالیوں میں بیٹھ جا
Ye ma'rifat ke raste hain ahl-e-dil ke waaste
Junidioun se ja ke mil ghazalion mein baith ja
صحابیوں سے پھول تابعین سے چراغ لے
حضورؐ چاہئیں تو ان موالیوں میں بیٹھ جا
Sahabion se phool ta'bieen se chiraagh le
Huzoor (SAW) chaahiyein to un mowalion mein baith ja
درود پڑھ نماز پڑھ عبادتوں کے راز پڑھ
صفیں تو سب بچھی ہیں عشق والیوں میں بیٹھ جا
Darood parh namaaz parh ibaadaatoun ke raaz parh
Safein to sab bichi hain ishq walion mein baith ja
ہر ایک سانس پر جو اُں کو دیکھنے کا شوق ہے
تو آنکھ بن کر اُن کے در کی جالیوں میں بیٹھ جا
Har aik saans par jo un ko deekhne ka shauq hai
To aankh ban kar un ke dar ki jalion mein baith ja
اگر ہیں خلوتیں عزیز تو ہجوم میں نکل
اگر سکون چاہیے دھمالیوں میں بیٹھ جا
Agar hain khalwatein azeez to hujoom mein nikal
Agar sukoon chahiye dhmaalion mein baith ja
جو چاہتا ہے گلستانِ مصطفےٰؐ کی نوکری
تو بوئے مصطفؐےٰ پہن کے مالیوں میں بیٹھ جا
Jo chahta hai gulistan-e-Mustafa (SAW) ki naukri
To booe Mustafa (SAW) pehan ke malion mein baith ja
مظفر آپ تک رسائی اتنی سہل تو نہیں
توجہ چاہیے تو یرغمالیوں میں بیٹھ جا
Muzaffar aap tak rasaai itni sahl to nahi
Tawajjoh chahiye to yarghamalion mein baith ja
Share This Naat
Share with friends and family
اُویسیوں میں بیٹھ جا
مظفر وارثی