ریاضت پر، قیادت پر، تکلم پر، تبسم پر
فدا یہ دل نبی کی ہر ادائے دل نشیں پر ہے
Riyazat par, qiyadat par, takallum par, tabassum par
Fida ye dil Nabi ki har adaye dil nasheen par hai
مِرے مصطفےٰ کو دیکھے جو عدو تو پیار آئے
وہیں نفرتوں کا تن سے وہ لباس اُتار آئے
Mire Mustafa ko dekhe jo adu to pyar aaye
Wahin nafraton ka tan se woh libas utar aaye
نہ مدینہ جا سکوں میں نہ ہی بوئے یار آئے
مِرے بے قرار دل کو کہاں پھر قرار آئے
Na Madina ja sakun main na hi booye yaar aaye
Mire beqarar dil ko kahan phir qarar aaye
وہ طلسمِ عشق ہی تھا تِرے نام پر دِوانے
کبھی سر اُتار لائے کبھی سر اُتار آئے
Woh tilism-e-ishq hi tha tire naam par diwane
Kabhi sar utar laaye kabhi sar utar aaye
مِری آنکھ آنکھ ہوگی مِری نیند نیند ہوگی
مِرے خواب میں اگر وہ شہِ ذی وقار آئے
Miri aankh aankh hogi miri neend neend hogi
Mire khwab mein agar woh shah-e-zee waqar aaye
وہ حریمِ نازِ جاناں ہے سرور پوچھنا کیا
گئے مست و بے خبر جو وہاں ہوشیار آئے
Woh hareem-e-naaz-e-jaanan hai sarwar poochna kya
Gaye mast o be khabar jo wahan hoshiyar aaye
مجھے بھی عطا ہو یا رب قلمِ رضا کا صدقہ
مِری شاعری کے رُخ پر بھی ذرا نکھار آئے
Mujhe bhi ata ho ya Rab qalam-e-Raza ka sadqa
Miri shayari ke rukh par bhi zara nikhar aaye
یہی آخری تمنا ہے شفیقِؔ بے نوا کی
درِ پاکِ مصطفے پر کوئی دن گزار آئے
Yahi aakhri tamanna hai Shafiq-e be nawa ki
Dar-e-Paak-e-Mustafa par koi din guzaar aaye
Share This Naat
Share with friends and family
ریاضت پر، قیادت پر، تکلم پر، تبسم پر
شفیق ؔ رائے پوری