نظر سے تری اے رسُولِؐ انام
مرا سنگ گوہر کا قائم مقام
Nazar se teri ae Rasool (PBUH) anaam
Mera sang gohar ka qaim maqam
مِرے لفظ میرے صحیفے تمام
تیرے نام تیری محبّت کے نام
Mere lafz mere sahife tamaam
Tere naam teri muhabbat ke naam
الٰہی ملے مُجھ کو یثرب کی صُبح
الٰہی ملے مُجھ کو بطحا کی شام
Ilahi mile mujhe yusrib ki subah
Ilahi mile mujhe Bat-ha ki shaam
مری آرزُو اِک کرن لُطف کی
نہ خُورشیدِ کامل نہ ماہِ تمام
Meri arzu ek karan lutf ki
Na Khurshid-e-Kamil na Mah-e-tamaam
ترے چہرۂ دل کُشا پر درُود
تری سیرتِ جاں فزا پر سلام
Tere chehra-e-dil kasha par darood
Teri seerat-e-jaan faza par salam
ہُوا مشرقِ لب سے تیرے طلُوع
خدا کا خطاب و کلام و پیام
Hua mashriq-e-lab se tere tulu
Khuda ka khitab o kalam o payam
تری دل نوازی کی کیا بات ہے
نبّوت ہے خاص اور رحمت ہے عام
Teri dil nawaz-kai ki kya baat hai
Nabuwwat hai khas aur rehmat hai aam
اُدھر کُفر کے تیغ و تیر و تفنگ
اِدھر چل گیا بس تبسّم سے کام
Idhar kufr ke tegh o teer o tufang
Idhar chal gaya bas tabassum se kaam
مِری نعت پر مُجھ کو مژدہ ملا
دوام و دوام و دوام و دوام
Meri naat par mujhe mujda mila
Dawam o dawam o dawam o dawam
Share This Naat
Share with friends and family
نظر سے تری اے رسُولِؐ انام
عاصی کرنالی