ناداں نہ پوچھ کیا ہے مرے مصطفیٰؐ کے پاس
یہ دیکھ کیا نہیں ہے رسولِ خداؐ کے پاس
Nadaan na pooch kya hai mere Mustafaؐ ke paas
Ye dekh kya nahi hai Rasool-e-Khudaؐ ke paas
رب نے بنا کے قاسمِ انعامِ کائنات
کنجی عطا کی رکھ دی شہِ انبیا کے پاس
Rab ne bana ke Qasim-e-Inaam-e-Kainaat
Kunji ata ki rakh di Shah-e-Anbiya ke paas
محشر میں عاصیوں کی شفاعت کا اختیار
ہوگا عطائے رب سے فقط مصطفیٰؐ کے پاس
Mahshar mein aasiuon ki shafaat ka ikhtiyar
Hoga ataaye Rab se faqat Mustafaؐ ke paas
تسکین چاہیے تو دیارِ نبیؐ میں چل
ملتا ہے چین روضۂ خیر الوریٰ کے پاس
Taskeen chahiye to diyare Nabiؐ mein chal
Milta hai chain Roza-e-Khair-ul-Wara ke paas
کاسہ بکف فقیروں کو تحقیر سے نہ دیکھ
زرہائے آخرت ہے نبیؐ کے گدا کے پاس
Kasa bakaf faqeeron ko tahqeer se na dekh
Zarraaye aakhirat hai Nabiؐ ke gada ke paas
چھوٹے نہ تجھ سے دامنِ پاسِ ادب اے دل
تو آگیا ہے مرقدِ شاہِ ہدیٰ کے پاس
Chhoote na tujh se daaman-e-paas-e-adab aye dil
Tu aagaya hai marqad-e-Shah-e-Huda ke paas
شان حضورؐ دیکھیے شاہانِ وقت بھی
کاسہ بکف ملیں گے درِ مصطفیٰؐ کے پاس
Shaan Huzoorؐ dekhiye shahan-e-waqt bhi
Kasa bakaf milenge dar-e-Mustafaؐ ke paas
سیرابیِ حیات کی خاطر ہے اِک ہجوم
تشنہ لبوں کا چشمۂ جود و عطا کے پاس
Sairaabi-e-hayaat ki khaatir hai ik hujum
Tishna labon ka chashma-e-jood o ata ke paas
جیسے دیے کے گرد ہو پروانوں کا ہجوم
اک بھیڑ سی ہے مرقدِ خیر الوریٰ کے پاس
Jaise diye ke gird ho parwano ka hujum
Ek bheer si hai marqad-e-Khair-ul-Wara ke paas
احسؔن اسے میں سمجھوں گا خوش بختی حیات
گزریں جو میرے دن بھی درِ مصطفیٰؐ کے پاس
Ahsan ise mein samjhoon ga khush bakhti hayaat
Guzrein jo mere din bhi dar-e-Mustafaؐ ke paas
Share This Naat
Share with friends and family
ناداں نہ پوچھ کیا ہے مرے مصطفیٰؐ کے پاس
احسن اعظمی