درِ سرکارؐ سے ربط بڑھاؤ تو سہی
کام بگڑے ہوئے بن جائیں گے آؤ تو سہی
Dar-e-sarkarؐ se rapt barhao to sahi
Kaam bigrre hue ban jaen ge aao to sahi
اپنے گھر ان کو محبت سے بلاؤ تو سہی
جشنِ میلادِ محمدؐ کا مناؤ تو سہی
Apne ghar un ko mohabbat se bulao to sahi
Jashan-e-meelad-e-Muhammadؐ ka manao to sahi
ہر ترقی کی ضمانت ہے وسیلہ انکا
اس وسیلے کو ذرا کام میں لاؤ تو سہی
Har taraqqi ki zamaanat hai waseela unka
Is waseelay ko zara kaam mein lao to sahi
بے طلب دامنِ مقصود وہ بھر دیتے ہیں
روبرو اس شہِ کونینؐ کے جاؤ تو سہی
Be talab daman-e-maqsood wo bhar dete hain
Roobru is Shah-e-konainؐ ke jao to sahi
ان کے دربار میں بر آتی ہے ہر ایک مراد
اپنا دامن درِ اقدس پہ بچھاؤ تو سہی
Un ke darbaar mein bar aati hai har aik muraad
Apna daman dar-e-aqdas pe bichao to sahi
یہ بھی معراج ہے معراجِ محبت کی قسم
ان کے قدموں میں جبیں اپنی جھکاؤ تو سہی
Ye bhi mairaaj hai mairaaj-e-mohabbat ki qasam
Un ke kadmon mein jabeen apni jhukao to sahi
پاک ہر اک غمِ ہستی سے یہ ہستی ہو جائے
شاہِ کونینؐ سے لُو اپنی لگاؤ تو سہی
Paak har ik gham-e-hasti se ye hasti ho jae
Shah-e-Konainؐ se loo apni lagao to sahi
سو کھے دھانوں پہ برس جائیگا خود ابرِ کرم
عشقِ سرکارؐ میں دواشک بہاؤ تو سہی
Sookhe daano pe baras jaega khud abr-e-karam
Ishq-e-sarkarؐ mein do ashk bahaao to sahi
اک نہ اک دن تمہیں سرکارؐ بلا ہی لیں گے
شمعِ امیدِ کرم دل میں جلاؤ تو سہی
Ek na ek din tumhein sarkarؐ bula hi lenge
Shama-e-umeed-e-karam dil mein jalao to sahi
تم سمجھ جاؤ گے مفہوم ِ بقائے جاوید
زندگی ان کی محبت میں مٹاؤ تو سہی
Tum samajh jao ge mafhoom-e-baqaay-e-javed
Zindagi unki mohabbat mein mitao to sahi
ان کے جلووں کے سوا کچھ بھی نہیں دنیا میں
حُسنِ سرکارؐ کو مقصود بناؤ تو سہی
Un ke jalwon ke siwa kuchh bhi nahi duniya mein
Husn-e-sarkarؐ ko maqsood banao to sahi
انکی رحمت تو ہر اک حال میں ہے تم سے قریب
بے یقینی کی یہ دیوار گراؤ تو سہی
Unki rehmat to har ek haal mein hai tum se qareeb
Be-yaqeeni ki ye deewar girao to sahi
بے کلی کیف میں ڈھل جائے گی دل کی خالدؔ
نعت سرکارِؐ مدینہ کی سناؤ تو سہی
Be-kali kaif mein dhall jaegi dil ki Khalidؔ
Naat sarkarؐ-e-Madina ki sunao to sahi
Share This Naat
Share with friends and family
درِ سرکارؐ سے ربط بڑھاؤ تو سہی
خالد محمود خالد