مدینہ ہے اور جلوہ سامانیاں ہیں
حبیبِ دو عالم کی مہمانیاں ہیں
Madina hai aur jalwa samaniyan hain
Habib-e-do aalum ki mehmaniyan hain
اِدھر عاصیوں کی پشیمانیاں ہیں
اُدھر رحمتوں کی فراوانیاں ہیں
Idhar aasiyon ki pashemaniyan hain
Udhar rehmaton ki farawaniyan hain
تصدّق ہوں اے قبہء نور تجھ پر
عجب تیرے جلوؤں کی تابانیاں ہیں
Tasaddaq hoon aye qubbah-e-noor tujh par
Ajeeb tere jalwon ki tabaniyan hain
نگاہوں کی فردوس ہے بزمِ طیبہ
جِدھر دیکھئے جلوہ سامانیاں ہیں
Nigahon ki firdous hai bazm-e-taiba
Jidhar dekhiye jalwa samaniyan hain
حریمِ رسالت کا فیضان ہے یہ
پریشانیاں ہیں نہ حیرانیاں ہیں
Hareem-e-risalat ka faizaan hai ye
Pareshaniyan hain na hairaniyan hain
شبِ قدر ہو یا فروغِ سحر ہو
یہ سب تیرے جلوؤں کی تابانیاں ہیں
Shab-e-qadr ho ya farogh-e-seher ho
Ye sab tere jalwon ki tabaniyan hain
میسّر ہیں جن کو ترے دَر کے جلوے
انھیں کی سرافراز پیشانیاں ہیں
Meyassar hain jin ko tere dar ke jalwe
Inhi ki sarafaraz peshaniyan hain
مدینہ کہاں اور کہاں میری قسمت
تری رحمتوں کی فراوانیاں ہیں
Madina kahan aur kahan meri qismat
Teri rehmaton ki farawaniyan hain
حمیدؔ ان کی رنگینیاں کوئی دیکھے
یہ اشعار ہیں یا گل افشانیاں ہیں
Hameed un ki rangeeniyan koi dekhe
Ye ashaar hain ya gul afshaniyan hain
Share This Naat
Share with friends and family
مدینہ ہے اور جلوہ سامانیاں ہیں
نامعلوم