نام پر ان کے جو مرا ہی نہیں
بندئہ عشقِ وہ ہوا ہی نہیں
Naam par un ke jo mara hi nahin
Band e ishq wo hua hi nahin
اُن سے بہتر کوئی ہے دور کی بات
اُن کا ہمسر کوئی ہوا ہی نہیں
Un se behtar koi hai door ki baat
Un ka hamsar koi hua hi nahin
بخش دیتا ہے سب، کرم اُن کا
چاہئے کیا، یہ پوچھتا ہی نہیں
Bakhsh deta hai sab, karam un ka
Chahiye kya, ye poochhta hi nahin
نعت لکھتا ہوں صبح و شام اُن کی
اب کوئی اور مشغلہ ہی نہیں
Naat likhta hun subah o shaam un ki
Ab koi aur mashghala hi nahin
کیوں یہ کہتے ہو جائو طیبہ سے
دل ہمارا ابھی بھرا ہی نہیں
Kyun ye kehte ho jao Taiba se
Dil hamara abhi bhara hi nahin
دھڑکنوں تک درود کیا پہنچا
دل کو لگتا ہے کچھ ہوا ہی نہیں
Dharkano tak durood kya pahucha
Dil ko lagta hai kuch hua hi nahin
وہ عبادت بھی کیا عبادت ہے
جس میں عشقِ شہِ ہُدا ہی نہیں
Wo ibadat bhi kya ibadat hai
Jis mein ishq e shah e huda hi nahin
پڑھ لیا کر درودِ پاک شفیقؔ
اس کے جیسی کہیں شفا ہی نہیں
Parh liya kar durood e paak Shafiq
Is ke jesi kahin shifa hi nahin
ان کو صادق کہو امین کہو
لا مکاں کا انہیں مکین کہو
Un ko sadiq kaho ameen kaho
La makan ka unhein makeen kaho
بیٹھ کر مصطفےٰ کی چوکھٹ پر
آسمانوں کو بھی زمین کہو
Baith kar Mustafa ki chaukhat par
Aasmanon ko bhi zameen kaho
کُل جہاں کو گمان کہہ دو مگر
مصطفےٰ کو مِرے یقین کہو
Kul jahan ko gumaan keh do magar
Mustafa ko mere yaqeen kaho
جس کی مرہون ہے ذہانت بھی
میرے آقا کو وہ ذہین کہو
Jis ki marhoon hai zahanat bhi
Mere aaqa ko wo zaheen kaho
جو مکمل ہے از رہِ فطرت
دینِ اسلام کو وہ دین کہو
Jo mukammal hai az rah e fitrat
Deen e Islam ko wo deen kaho
جو ہے گستاخ میرے آقا کا
اس کو مرتد لکھو لعین کہو
Jo hai gustakh mere aaqa ka
Us ko murtad likho laeen kaho
شعر پڑھ کر شفیقِؔ عاصی کے
مرحبا بولو آفرین کہو
She’r parh kar Shafiq e Aasi ke
Marhaba bolo aafreen kaho
Share This Naat
Share with friends and family
نام پر ان کے جو مرا ہی نہیں
شفیق ؔ رائے پوری