چاند تارے ہی کیا دیکھتے رہ گئے
اُن کو ارض و سما دیکھتے رہ گئے
Chand taare hi kya dekhte reh gaye
Un ko arz-o-sama dekhte reh gaye
ہم درِ مصطفٰؐے دیکھتے رہ گئے
نُور ہی نُور تھا دیکھتے رہے گئے
Hum dar-e-Mustafaؐ dekhte reh gaye
Noor hi noor tha dekhte rahe gaye
پڑھ کے رُوحُ الامیںؑ سُورتِ وَالضّحیٰ
صُورتِ مصطفٰؐے دیکھتے رہ گئے
Parh ke Rooh-ul-aminؑ soorat-e-Waz-zuhā
Soorat-e-Mustafaؐ dekhte reh gaye
وہ امامت کی شب، وُہ صفِ انبیاء
مقتدی، مقتدیٰ دیکھتے رہ گئے
Woh imaamat ki shab, woh saf-e-ambiya
Muqtadi, muqtada dekhte reh gaye
نیک و بد پر ہُوا اُن کا یکساں کرم
لوگ اچھّا بُرا دیکھتے رہ گئے
Naik o bad par hua un ka yaksaan karam
Log achha bura dekhte reh gaye
وہ گئے عرش تک، اور رُوحُ الامیںؑ
سدرۃُ المنتہیٰ دیکھتے رہ گئے
Woh gaye arsh tak, aur Rooh-ul-aminؑ
Sidrat-ul-Muntaha dekhte reh gaye
معجزہ تھا وہ ہجرت میں اُن کا سفر
دشمنانِ خدا، دیکھتے رہ گئے
Mo'jza tha woh hijrat mein un ka safar
Dushmanan-e-Khuda, dekhte reh gaye
مرحبا شانِ معراجِ ختمِؐ رُسُل
سب کے سب انبیاؑ دیکھتے رہ گئے
Marhaba shaan-e-Mi'raj-e-Khatmؐ-e-Rusul
Sab ke sab ambiyaؑ dekhte reh gaye
کیا خبر، کِس کو کب جامِ کوثر مِلا
ہم تو اُن کی ادا دیکھتے رہ گئے
Kya khabar, kis ko kab jaam-e-Kausar mila
Hum to un ki ada dekhte reh gaye
ہم گنہگار تھے، مغفرت ہوگئی
خود نگر پارسا دیکھتے رہ گئے
Hum gunahgaar the, maghfirat ho gayi
Khud-nagar parsa dekhte reh gaye
جب سواری چلی، جبرئیلِؑ امیں
صورتِ نقشِ پا دیکھتے رہ گئے
Jab sawaari chali, Jibraeelؑ-e-amin
Soorat-e-naqsh-e-paa dekhte reh gaye
اہل دانش، محمدؐ پہ تھے حیرتی
رُوئے قرآں نُما دیکھتے رہ گئے
Ahl-e-Danish, Muhammadؐ pe the hairati
Roo-e-Qur’an-numa dekhte reh gaye
ہو کے گُم اے نصیر اُن کے جلووں میں ہم
شانِ ربُّ العُلیٰ دیکھتے رہ گئے
Ho ke gum ae Naseer un ke jalwon mein hum
Shaan-e-Rabb-ul-Ulaa dekhte reh gaye
مَیں نصیرؔ آج لایا وہ نعتِ نبیؐ
نعت گو مُنہ مِرا دیکھتے رہ گئے
Main Naseerؔ aaj laaya woh naat-e-Nabiؐ
Naat-go munh mera dekhte reh gaye
Share This Naat
Share with friends and family
چاند تارے ہی کیا دیکھتے رہ گئے
سید نصیرالدیں نصیر