ناں اُس دی ابتداء کوئی ناں اُسدی انتہاء کوئی
پتہ دس سکدا خالق دا کویں دسو بھلا کوئی
Naan us di ibtida koi naan usdi intiha koi
Pata das sakda Khaliq da kiven daso bhala koi
اوہ ہر اول توں اوّل اے اوہ ہر آخر توں آخر اے
ناں اُس دے باہجھ ہے کوئی ناں اسدے ماسوا کوئی
Oh har awwal to awwal ae oh har aakhir to aakhir ae
Naan us de baajh hai koi naan usde masiwa koi
ایہہ ٹکرا کے زمین و آسماں برباد ہو جاندے
خُدا دے باہجھ ہندا دوسرا جے کر خُدا کوئی
Eh takra ke zameen o asman barbaad ho jaande
Khuda de baajh hunda dosra je kar Khuda koi
اوه ظالم لعنتی ، بے دین تے مُرتد و مُشرک اے
جو ہے معبود من دا باہجھ رب دے دُوسرا کوئی
Oh zalim laanti, be deen te murtad o mushrik ae
Jo hai mabood man da baajh Rab de doosra koi
ستارے نے نبی سارے نبوّت دے فلک اُتے
محمد مصطفے باہجھوں ناں سے شمس الضحی کوئی
Sitare ne Nabi saare nabuwwat de falak ute
Muhammad Mustafa baajhoun naan se Shams ud doha koi
ہے کلمہ طیبہ پڑھنے دا مطلب صاف اے صائم
ہے دوجا خُدا کوئی نہ دوجا مُصطفیٰ کوئی
Hai kalma tayyaba parhnay da matlab saaf ae Saaim
Hai dooja Khuda koi na dooja Mustafa koi
Share This Naat
Share with friends and family
ناں اُس دی ابتداء کوئی ناں اُسدی انتہاء کوئی
علامہ صائم چشتی