حمد ہوتی نہیں دعا کے بغیر
حرف ملتے نہیں عطا کے بغیر
Hamd hoti nahi dua ke baghair
harf milte nahi ata ke baghair
وہ جو حق کی کتاب ہے لوگو!
کون سمجھے گا مصطفیٰ کے بغیر
Woh jo haq ki kitaab hai logo!
Kaun samjhe ga Mustafa ke baghair
حال دل کا ہمارے جانتا ہے
اس کو سجدہ کرو ریا کے بغیر
Haal dil ka hamare janta hai
Us ko sajda karo riya ke baghair
رب سے مانگو یہ حکمِ آقاﷺ ہے
کام بنتا نہیں دعا کے بغیر
Rab se mango yeh hukm-e aaqaﷺ hai
Kaam banta nahi dua ke baghair
رب تعالیٰ! غفور ہے لوگو!
بخش دے چاہے تو سزا کے بغیر
Rab Ta'ala! Ghafoor hai logo!
Bakhsh de chaahe to saza ke baghair
وہ ہی سب سے عظیم ہے داتا
جھولی بھرتا ہے وہ صدا کے بغیر
Woh hi sab se azeem hai Daata
Jholi bharta hai woh sada ke baghair
اک قدم بھی اٹھا نہیں سکتا
میرے مولا، تیری رضا کے بغیر
Ek qadam bhi utha nahi sakta
Mere Maula, teri raza ke baghair
سنگِ اسود کا ذکر اپنی جگہ
بات پوری نہ ہو حرا کے بغیر
Sang-e Aswad ka zikr apni jagah
Baat poori na ho Hira ke baghair
موت آئے نہ ان وزیروں کو
اس جہاں میں تری سزا کے بغیر
Maut aaye na un wazeeron ko
Is jahan mein teri saza ke baghair
حمد کہہ دو یہ کہہ کے اے طاہرؔ!
کچھ نہیں ذاتِ کبریا کے بغیر
Hamd keh do yeh keh ke ae Tahir!
Kuch nahi zaat-e Kabriya ke baghair
Share This Naat
Share with friends and family
حمد ہوتی نہیں دعا کے بغیر
طاہر سلطانی