میرے مدنی سوہنے ورگا جگ دے اندر سوہنا کوئی ناں
اوہدے ورگا ہویا کوئی ناں اوہدے ورگا ہونا کوئی ناں
Mere Madni Sohne Varga Jug De Andar Sohna Koi Naa
Ohde Varga Hoyaa Koi Naa Ohde Varga Hona Koi Naa
خاک مدینے دی جس شے نوں لگ جاوے اکسیر بنادے
طیبہ دی مٹی دے ورگا رُپا کوئی ناں سونا کوئی ناں
Khaak Madine Di Jis Shay Nu Lag Jaave Aksir Banade
Tayba Di Mitti De Varga Rupa Koi Naa Sona Koi Naa
پاک نبی دی آل دے غم وچ رہیاں حیاتی لمی ہووے
پاک نبی دی آل دے غم وچ روون ورگا رونا کوئی ناں
Paak Nabi Di Aal De Gham Vich Raiyaan Hayati Lami Howe
Paak Nabi Di Aal De Gham Vich Rovon Varga Rona Koi Naa
اک اک داغ جگر دا جاکے وچ مدینے تارا بن دا
جے چلے او شہر مدینے داغ جگر دا دھونا کوئی ناں
Ik Ik Daagh Jigar Da Jaake Vich Madine Taaraa Ban Da
Je Chale O Shehar Madine Daagh Jigar Da Dhona Koi Naa
رب نے آکھیا کملی والیا کجھ آرام وی فرمایا کر
کسے نوں وچ نماز دے ایسا ملیا کدی کھلونا کوئی ناں
Rab Ne Aakhia Kamli Walia Kujh Araam Vi Farmaaya Kar
Kise Nu Vich Namaz De Aisa Miliya Kadi Khilona Koi Naa
اج محبوب مدینے والے آن دیدار کرانا سب نوں
آج دی راتے سونا کوئی ناں اکھ دے بوہے ڈھونا کوئی ناں
Aj Mehboob Madine Wale Aan Deedar Karana Sab Nu
Aaj Di Raate Sona Koi Naa Akh De Bohe Dhona Koi Naa
گجرے اج درود سلاماں والے رہوؤ بناوندے صائم
اج دنیا دے دکھاں درداں والا ہار پرونا کوئی ناں
Gujray Aj Darood Salamaan Wale Rahoo Banavande Sa'im
Aj Duniya De Dukhha Darda Wala Haar Parona Koi Naa
Share This Naat
Share with friends and family
میرے مدنی سوہنے ورگا جگ دے اندر سوہنا کوئی ناں
علامہ صائم چشتی