نہ قوسِ قزح نہ رنگِ گُل و گلزار کی باتیں ہوتی ہیں
حورانِ ارم میں بس تیرے رخسار کی باتیں ہوتی ہیں
Na qous-e-qazah na rang-e-gul o gulzaar ki baatein hoti hain
Hooran-e-aram mein bas tere rukhsaar ki baatein hoti hain
قرطاس پہ حُسنِ دنیا کے نقشے بھلا کیسے بن جائیں
مابینِ خیال و قلب و قلم سرکار کی باتیں ہوتی ہیں
Qirtaas pe husn-e-duniya ke naqshay bhala kaise ban jaayein
Mabain-e-khyaal o qalb o qalam sarkar ki baatein hoti hain
ما اوحٰی کہہ کے خالق نے دنیا سے گویا پوچھا ہے
قوسین سے بڑھ جائیں تو کیا اغیار کی باتیں ہوتی ہیں ؟
Ma'auha keh ke Khaaliq ne duniya se goya poocha hai
Qosain se barh jaayein to kya aghyaar ki baatein hoti hain?
ان چاند ستاروں میں اب بھی معراج کی یادیں زندہ ہیں
ہر رات اکٹھے ہوتے ہیں، سرکار کی باتیں ہوتی ہیں
In chaand sitaaron mein ab bhi Me'raaj ki yaadein zinda hain
Har raat ikatthe hotay hain, sarkar ki baatein hoti hain
مفلوک الحال غریبِ وطن اس امتِ خستہ جاں میں اب
شبیر! تمہارے بچوں کے کردار کی باتیں ہوتی ہیں
Maflook-ul-haal ghareeb-e-watan is ummat-e-khasta-jaan mein ab
Shabbir! tumhare bachon ke kirdaar ki baatein hoti hain
ہو ربط جو گنبدِ خضرٰی سے تو فکر بھی زندہ رہتی ہے
بے ربطِ مدینہ جتنی ہیں بے کار کی باتیں ہوتی ہیں
Ho rabt jo gumbad-e-khizra se to fikr bhi zinda rehti hai
Be rabt-e-madina jitni hain bekaar ki baatein hoti hain
خوش ہو جائو ارے دیوانو! میں نے یہ سنا ہے زیرِ لحد
یا رب کا پوچھا جاتا ہے یا یار کی باتیں ہوتی ہیں
Khush ho jao arey diwano! main ne ye suna hai zair-e-lahad
Ya Rab ka poocha jaata hai ya yaar ki baatein hoti hain
میں ہٹ جاتا ہوں ایک طرف جب سامنے گنبدِ خضرٰی ہو
پھر گنبدِ سبز و چشمِ تر میں پیار کی باتیں ہوتی ہیں
Main hat jaata hoon ek taraf jab saamne gumbad-e-khizra ho
Phir gumbad-e-sabz o chashm-e-tar mein pyaar ki baatein hoti hain
مجھے میرے طبیب بھی کہتے ہیں جو کچھ تُو تبسم کہتا ہے
یوں لگتا ہے کسی طیبہ کے بیمار کی باتیں ہوتی ہیں
Mujhe mere tabeeb bhi kehte hain jo kuch tu tabassum kehta hai
Yun lagta hai kisi Taiba ke beemar ki baatein hoti hain
Share This Naat
Share with friends and family
نہ قوسِ قزح نہ رنگِ گُل
حافظ محمد ابوبکر تبسمؔ