ہر آن اک تپش غمِ خیرالبشرؐ کی ہے
اب تو یہ آگ دل کے لیے عُمر بھر کی ہے
Har aan ik tapish gham-e-khairul-basharؐ ki hai
Ab to ye aag dil ke liye umar bhar ki hai
عزّت اُسی کی، شان اُسی کے سفر کی ہے
جس دل کو آرزو درِ خیر البشرؐ کی ہے
Izzat usi ki, shaan usi ke safar ki hai
Jis dil ko aarzu dar-e-khairul basharؐ ki hai
جس رہگزر سے گزرے ہیں محبوبِؐ کردگار
اکسیر مجھ کو خاک اُسی رہگزر کی ہے
Jis rahguzar se guzre hain mehboob-eؐ kaar-digar
Ikseer mujh ko khaak usi rahguzar ki hai
پہنچوں مدینہ، دل کی یہ ہر دَم ہے آرزو
دیکھوں نبیؐ کا شہر، یہ حسرت نظر کی ہے
Pahunchoon Madina, dil ki ye har dam hai aarzu
Dekhoun Nabiؐ ka shehar, ye hasrat nazar ki hai
سچ ہے کہ فخر ہے مجھے خود اپنی ذات پر
کیوں کر نہ ہو کہ خاک مِری اُن کے دَر کی ہے
Sach hai ke fakhar hai mujhe khud apni zaat par
Kyoon kar na ho ke khaak meri un ke dar ki hai
یا رب! نصیب دولتِ عشقِ رسولؐ ہو
مجھ کو ہَوس نہ زر کی، نہ لعل و گُہر کی ہے
Ya Rab! Naseeb daulat-e-ishq-e-rasoolؐ ho
Mujh ko hawas na zar ki, na laal o gohar ki hai
لوگوں نے دے دیا ہے اُسے کہکشاں کا نام
جو دُھول آسماں پہ تری رہ گزر کی ہے
Logon ne de diya hai usay kehkashan ka naam
Jo dhool aasman pe teri rah guzar ki hai
ماہ و نُجوم کو ترے جلووں کی ہے تلاش
جو اُن کی جستجو ہے وہی بحرو بر کی ہے
Mah o nujoom ko tere jalwo ki hai talaash
Jo un ki justuju hai wohi bahr o bar ki hai
کہتا ہے، سب ضیائے نبیؐ مَیں سمیٹ لُوں
کتنی بڑی یہ بات دلِ مختصر کی ہے
Kehta hai, sab ziya-e-Nabiؐ mein samait loon
Kitni barri ye baat dil-e-mukhtasir ki hai
پہنچے وہ بارگاہِ رسالتؐ مآب میں
جس دل کو احتیاج کسی چارہ گر کی ہے
Pahunchay wo bargah-e-risalatؐ maab mein
Jis dil ko ihtiyaj kisi chara gar ki hai
اُس آستانِ پاک پہ سجدے کئے ہزار
اُنؐ کے حضور خَم ہو، سعادت یہ سَر کی ہے
Us aastaan-e-paak pe sajday kiye hazar
Unؐ ke huzoor kham ho, saadat ye sar ki hai
کیوں کر کہوں نصیرؔ زمانے سے حالِ دل
گھر میں رہے جو بات وہی بات گھر کی ہے
Kyoon kar kahoon Naseerؔ zamane se haal-e-dil
Ghar mein rahe jo baat wohi baat ghar ki hai
Share This Naat
Share with friends and family
ہر آن اک تپش غمِ خیرالبشرؐ کی ہے
سید نصیرالدیں نصیر