ساہ مُکدے مکدے مُک گئے نے جند مکدی مُکدی مک گئی اے
آ ہن تے میریا محبوبا آ جان لباں تے رک گئی اے
Saah mukde mukde muk gaye ne jind mukdi mukdi muk gayi ae
Aa hun te meriya mahbooba aa jaan laban te ruk gayi ae
سورج دے چڑھیاں پتھر تے جیویں قطرہ رہ جائے شبنم دا
انج اتھرو اے اکھ پتھرائی تے ہنجواں دی ندی آج سک گئی اے
Sooraj de charhiyan pathar te jiwe qatra reh jaye shabnam da
Inj athroo ae akh pathraai te hanjwan di nadi aaj sak gayi ae
جے ہن محبوبا اونا نئیں جے ہن جلوہ دکھلاؤنا نئیں
وچ قبر دے لاجاں رکھ لیناں آ موت تے سر تے ڈھک گئی اے
Je hun mahbooba ona naein je hun jalwa dikhlawna naein
Wich qabar de laja rakh leena aa maut te sar te dhak gayi ae
بند کر دے لوکی اکھیاں نوں میں اجے وی تاہنگاں رکھیاں نے
میرے من دا منکا پھر دا اے ڈھل منکا گردن جھک گئی اے
Band kar de loki akkhiyaan noon mein aje wi tahnga rakhiyan ne
Mere man da manka phir da ae dhal manka gardan jhuk gayi ae
سب وہم کتھائیں نس گئے نے ہن عشق دے کنڈے پھس گئے نے
انج لگدا میرے سینے وچ ترے پیار دی کلی ٹھک گئی اے
Sab waham kithaaein nas gaye ne hun ishq de kunday phas gaye ne
Inj lagda mere seene wich tere pyaar di kali thak gayi ae
میں بے کس تے لاچار وی ہاں میں صائم او گنہار وی ہاں
مینوں خاک دے اندر رُل دے نوں بس نعت نبی دی چک گئی اے
Mein be-kas te laachar wi han mein Sa'im o gunahgaar wi han
Mainoo khak de andar rul de noon bas naat Nabi di chak gayi ae
Share This Naat
Share with friends and family
ساہ مُکدے مکدے مُک گئے نے جند مکدی مُکدی مک گئی اے
علامہ صائم چشتی