نہ میں شاعر نہ شاعر کی نوا ہوں
بس اِک ادنیٰ غلامِ مصطفےٰؐ ہوں
Na main shaair na shaair ki nawa hoon
Bas ik adna ghulaam-e-Mustafa ﷺ hoon
علی ابنِ ابی طالبؑ کا سگ ہوں
مگر رندوں کی محفل کا دیا ہوں
Ali ibn-e-Aabi Taalibؑ ka sag hoon
Magar rindo ki mehfil ka diya hoon
بنا ہوں شاہ نظامُ الّدینؒ کا خسروؒ
یوں ہی خسرو کی چوکھٹ سے لگا ہوں
Bana hoon Shah Nizaam-ud-deenؒ ka Khusroؒ
Yun hi Khusro ki chaukhat se laga hoon
نیاِزِ عشق میں ڈوبا ہو اہوں
غرورِ حسن بن کر آگیا ہوں
Niyaaz-e-ishq mein dooba hua hoon
Ghurur-e-husn ban kar aagaya hoon
متاعِ ہر زماں ہیں اشک میرے
سرورِ جادواں کا ماجرا ہوں
Mata-e-har zamaan hain ashk mere
Saroor-e-jadwaan ka maajra hoon
برنگِ گل کھِلا ہوں شاخِ گلشن
جہانِ رنگ و بُو کو جانتا ہوں
Barang-e-gul khila hoon shaakh-e-gulshan
Jahaan-e-rang o bu ko jaanta hoon
حیاتِ جاوداں کا راز پایا!
سرِ تسلیم یوں خم کر گیا ہوں
Hayaate jaawdaan ka raaz paaya!
Sar-e-tasleem yun kham kar gaya hoon
تجلّی نے کیا واصِؔف کو بے خود
خدا جانے میں کیا تھا اور کیا ہوں
Tajalli ne kiya Wasif ko bekhud
Khuda jaane main kya tha aur kya hoon
Share This Naat
Share with friends and family
نہ میں شاعر نہ شاعر کی نوا ہوں
واصف علی واصف