نہ کیوں آرائشیں کرتا خدا دنیا کے ساماں میں
تمہیں دولھا بنا کر بھیجنا تھا بزمِ اِمکاں میں
Nah kyon aaraishein karta Khuda duniya ke saamaan mein
tumhein dulha bana kar bhejna tha bazm-e-imkan mein
یہ رنگینی یہ شادابی کہاں گلزارِ رِضواں میں
ہزاروں جنتیں آکر بسی ہیں کوئے جاناں میں
Yeh rangeeni yeh shaadaabi kahaan gulzaar-e-rizwan mein
hazaaron jannatein aakar basi hain koye jaanan mein
خزاں کا کس طرح ہو دخل جنت کے گلستاں میں
بہاریں بس چکی ہیں جلوۂ رنگینِ جاناں میں
Khizaan ka kis tarah ho dakhal jannat ke gulistan mein
baharein bas chuki hain jalwa-e-rangeen-e-jaanan mein
تم آئے روشنی پھیلی ہوا دن کھل گئی آنکھیں
اندھیرا سا اندھیرا چھا رہا تھا بزمِ اِمکاں میں
Tum aaye roshni phaili hua din khul gayi aankhein
andhera sa andhera chha raha tha bazm-e-imkan mein
تھکا ماندا وہ ہے جو پاؤں اپنے توڑ کر بیٹھا
وہی پہنچا ہوا ٹھہرا جو پہنچا ُکوئے جاناں میں
Thuka manda woh hai jo paaon apne tod kar baitha
woh hi pahucha hua thehra jo pahucha koye jaanan mein
تمہارا کلمہ پڑھتا اُٹھے تم پر صدقے ہونے کو
جو پائے پاک سے ٹھوکر لگا دو جسم بے جاں میں
Tumhara kalma paDhta utthe tum par sadqe hone ko
jo paaye paak se thokar laga do jism bejaan mein
عجب اَنداز سے محبوبِ حق نے جلوہ فرمایا
سرور آنکھوں میں آیا جان دل میں نور ایماں میں
Ajaib andaaz se mehboob-e-haq ne jalwa farmaya
surur aankhon mein aaya jaan dil mein noor imaan mein
فدائے خار ہائے دشتِ طیبہ پھول جنت کے
یہ وہ کانٹے ہیں جن کو خود جگہ دیں گل رگِ جاں میں
Fidaaye khaar haaye dasht-e-taiba phool jannat ke
yeh woh kaantay hain jin ko khud jagah dein gul rag-e-jaan mein
ہر اِک کی آرزو ہے پہلے مجھ کو ذبح فرمائیں
تماشا کر رہے ہیں مرنے والے عید قرباں میں
Har ik ki aarzoo hai pehle mujh ko zabah farmayein
tamasha kar rahe hain marne wale Eid-e-qurban mein
ظہورِ پاک سے پہلے بھی صدقے تھے نبی تم پر
تمہارے نام ہی کی روشنی تھی بزمِ خوباں میں
Zahoor-e-paak se pehle bhi sadqe the Nabi tum par
tumhare naam hi ki roshni thi bazm-e-khubaan mein
کلیم آسا نہ کیونکر غش ہوں ان کے دیکھنے والے
نظر آتے ہیں جلوے طور کے رُخسارِ تاباں میں
Kaleem aasa na kyonkar ghash hoon un ke dekhne wale
nazar aate hain jalwe toor ke rukhsar-e-taaban mein
ہوا بدلی گھرے بادل کھلے گل بلبلیں چہکیں
تم آئے یا بہارِ جاں فزا آئی گلستاں میں
Hawa badli ghare badal khule gul bulbulen chehnkein
tum aaye ya bahaar-e-jaan fiza aayi gulistan mein
کسی کو زندگی اپنی نہ ہوتی اس قدر میٹھی
مگر دھووَن تمہارے پاؤں کا ہے شیرۂ جاں میں
Kisi ko zindagi apni na hoti is qadar meetthi
magar dhoovan tumhare paaon ka hai sheera-e-jaan mein
اُسے قسمت نے اُس کے جیتے جی جنت میں پہنچایا
جو دَم لینے کو بیٹھا سایۂ دیوارِ جاناں میں
Use qismet ne us ke jeetay ji jannat mein pohchaaya
jo dam lene ko baitha saaya-e-deewar-e-jaanan mein
کیا پروانوں کو بلبل نرالی شمع لائے تم
گرے پڑتے تھے جو آتش پہ وہ پہنچے گلستاں میں
Kya parwanon ko bulbul niraali sham lae tum
gare paDte the jo aatish pe woh pohche gulistan mein
نسیم طیبہ سے بھی شمع گل ہو جائے لیکن یوں
کہ گلشن پھولیں جنت لہلہا اُٹھے چراغاں میں
Naseem Taiba se bhi sham gol ho jaye lekin yun
ke gulshan phoolen jannat lehla uthe charaghan mein
اگر دُودِ چراغِ بزمِ شہ چھو جائے کاجل سے
شب قدرِ تجلی کا ہو سرمۂ چشم خوباں میں
Agar dood-e-charagh-e-bazm-e-shah choo jaye kajal se
shab qadr-e-tajalli ka ho surmah-e-chashm khubaan mein
کرم فرمائے گر باغِ مدینہ کی ہوا کچھ بھی
گل جنت نکل آئیں ابھی سروِ چراغاں میں
Karam farmaiye gar bagh-e-Madina ki hawa kuch bhi
gul jannat nikal aayein abhi sarv-e-charaghan mein
چمن کیونکر نہ مہکیں بلبلیں کیونکر نہ عاشق ہوں
تمہارا جلوۂ رنگیں بھرا پھولوں نے داماں میں
Chaman kyonkar na mehkain bulbulen kyonkar na aashiq hoon
tumhara jalwa-e-rangeen bhara phoolon ne daaman mein
اگر دُودِ چراغِ بزمِ والا مَس کرے کچھ بھی
شمیمِ مشک بس جائے گلِ شمعِ شبستاں میں
Agar dood-e-charagh-e-bazm-e-wala mas kare kuch bhi
shamim-e-mushk bas jaye gul-e-sham-e-shabistan mein
یہاں کے سنگریزوں سے حسنؔ کیا لعل کو نسبت
یہ ان کی رہ گزر میں ہیں وہ پتھر ہے بدخشاں میں
Yahan ke sangrezon se Hasan kya laal ko nisbat
yeh un ki rah guzar mein hain woh patthar hai Badakhshan mein
Share This Naat
Share with friends and family
نہ کیوں آرائشیں کرتا خدا دنیا کے ساماں میں
حسن رضا خان