مٹانے شرک و بدعت سرورِ کون و مکاں آئے
لیے شمعِ ہدایت سرورِ کون و مکاں آئے
Mitane shirk o bidat sarwar-e-kon o makaan aaye
Liye shama-e-hidayat sarwar-e-kon o makaan aaye
شہنشاہِ رسالت سرورِ کون و مکاں آئے
سراپا بن کے رحمت سرورِ کون و مکاں آئے
Shahenshah-e-risalat sarwar-e-kon o makaan aaye
Sarapaa ban ke rehmat sarwar-e-kon o makaan aaye
گنہگارو ! اُٹھو آئو پڑھیں لاکھوں سلام اُن پر
وہ دیکھو جانِ رحمت سرورِ کون و مکاں آئے
Gunehgaaro! Utho aao padhen laakhon salaam un par
Woh dekho jaan-e-rehmat sarwar-e-kon o makaan aaye
بوقتِ صبحِ صادق آگئی مسعود ساعت پھر
درودوں کی ہو کثرت سرورِ کون و مکاں آئے
Ba-waqt-e-subh-e-sadiq aagayi masood sa-a-at phir
Duroodon ki ho kasrat sarwar-e-kon o makaan aaye
ضلالت کے اندھیروں میں بھٹکتے پھر رہے تھے سب
تو خورشیدِ ہدایت سرورِ کون و مکاں آئے
Zalaalat ke andheron mein bhatakte phir rahe the sab
To khursheed-e-hidayat sarwar-e-kon o makaan aaye
گنہگارانِ امت کو بچانے نارِ دوزخ سے
شفاعت کی ضمانت سرورِ کون و مکاں آئے
Gunehgaraan-e-ummat ko bachane nar-e-dozakh se
Shafaat ki zamaanat sarwar-e-kon o makaan aaye
امانت میں خیانت کا تصور اب نہیں ممکن
امین و پاک طینت سرورِ کون و مکاں آئے
Amaanat mein khiyanat ka tasawwur ab nahi mumkin
Ameen o paak-teenet sarwar-e-kon o makaan aaye
نہ آیا صاحبِ حسن و جمال ایسا زمانے میں
کہ جیسے خوب صورت سرورِ کون و مکاں آئے
Na aaya sahib-e-husn-o-jamaal aisa zamaane mein
Ke jaise khoobsoorat sarwar-e-kon o makaan aaye
شفیقؔ آفات و رنج و غم کی شب سے مل گئی رخصت
ہوئی صبحِ مسرت سرورِ کون و مکاں آئے
Shafiq aafat-o-ranj-o-gham ki shab se mil gayee rukhsat
Hui subh-e-masarrat sarwar-e-kon o makaan aaye
Share This Naat
Share with friends and family
مٹانے شرک و بدعت سرورِ کون و مکاں آئے
شفیق ؔ رائے پوری