جس کا قصیدہ خالقِ عرش بریں کہے
ایسا حسین حُسن بھی جس کو حسیں کہے
Jis ka qaseeda Khaaliq-e-Arsh-e-Bareen kahe
Aisa haseen husn bhi jisko haseen kahe
ہے ماورائے عقل و خرد ان کا مرتبہ
ذات ان کی بے مثال ہے رُوح الامیں کہے
Hai ma-wara-e-aql o khird un ka martaba
Zaat unki be-misaal hai Rooh-ul-ameen kahe
قرآں کے حرف حرف میں انھی کی نعت ہے
یزداں اسے کلام میں مہر مبیں کہے
Qur’aan ke harf harf mein unhi ki na’at hai
Yazdaan use kalaam mein mehr-e-mubeen kahe
پڑھتے ہیں آسماں پر فرشتے بھی جب درود
ان پر سلام کیسے نہ پھر یہ زمیں کہے
Parhtay hain aasman par farishte bhi jab durood
Un par salaam kaise na phir yeh zameen kahe
فرمان، حق کا ہے تجھے سجدہ روا نہیں
ہر چند بار بار خمیدہ جبیں کہے
Farmaan, Haq ka hai tujhe sajda rawa nahi
Har chand baar baar khameeda jabeen kahe
نقوی کو ایسا شیوہؔ گفتار ہو عطا
جس وقت بھی وہ نعت کہے دلنشیں کہے
Naqvi ko aisa shewa-e-guftaar ho ata
Jis waqt bhi woh na’at kahe dilnasheen kahe
Share This Naat
Share with friends and family
جس کا قصیدہ خالقِ عرش بریں کہے
آفتاب نقوی