مدحِ میر و قصیدۂ سُلطاں
طے نہ یہ جاں ستاں مراحل کر
Madah-e-Mir o Qaseeda-e-Sultan
Tay na yeh jaan sitaan marahil kar
اتنے پتّھر بچھا کے گام بہ گام
سفرِ زندگی نہ مُشکل کر
Itne patthar bichha ke gaam ba gaam
Safar-e-zindagi na mushkil kar
وصفِ زن، ذکرِ زن، مناقبِ زن
عشق کو مت سپردِ قاتل کر
Wasf-e-zan, zikr-e-zan, manaqib-e-zan
Ishq ko mat supurd-e-qatil kar
چھوڑ توصیفِ شاہدانِ مجاز
طوق گردن میں مت حمائل کر
Chor tausif-e-shahdan-e-majaaz
Toq gardan mein mat humaail kar
وصفِ گیسو و چشم و عارض و لب
ترک یہ کاروبارِ باطل کر
Wasf-e-gesu o chashm o ariz o lab
Tark yeh karobar-e-baatil kar
لذّت بوسہ و نشاطِ وصال
دُور یہ نفس کے رذائل کر
Lazzat bosa o nishat-e-wisaal
Door yeh nafs ke razail kar
فِکر کی کج روی و بے سمتی
ذوقِ رفتار میں نہ حائل کر
Fikr ki kaj rawi o bey simti
Zauq-e-raftar mein na haail kar
رُوحِ طیّب کی بھی صدا سُن لے
مُسترد بدنُما مشاغل کر
Rooh-e-tayyab ki bhi sada sun le
Mustarad badnmaa mashagil kar
کر کے غاوٗون سے الگ خُود کو
کعب و حسّاں کی صف میں شامل کر
Kar ke ghaa'un se alag khud ko
Ka'b o Hassaan ki saf mein shaamil kar
نعت کی راہِ مستقیم پہ چل
نعت کو فِکر و فن کی منزل کر
Naat ki raah-e-mustaqeem pe chal
Naat ko fikr o fan ki manzil kar
اے ثنا گوئے سیّد الکونینؐ
خُود کو اِس منزلت کے قابل کر
Ae Sana goye Sayyed al-Kawnainﷺ
Khud ko is manzilat ke qabil kar
خُود کو رکھ عشق کی کسوٹی پر
چہرہ آئینے کے مقابل کر
Khud ko rakh ishq ki kasauti par
Chehra aaine ke muqabil kar
نعت کو کارِ بے خودی نہ سمجھ
دل کو علم و خبر کا حامل کر
Naat ko kar-e-bekhudi na samajh
Dil ko ilm o khabar ka haamil kar
جان اس راہ کے نشیب و فراز
جوش کو ہوش کا مماثل کر
Jaan is raah ke nasheeb o faraaz
Josh ko hosh ka mamsil kar
تیغِ بّراں سے تیز تر ہے یہ راہ
یک نَفس بھی نہ خُود کو غافل کر
Tegh-e-burraan se tez tar hai yeh raah
Yak nafas bhi na khud ko ghaafil kar
نعت کی حُرمتیں نگاہ میں رکھ
نعت کیا ہے؟ شعُور حاصل کر
Naat ki hurmat hain nigaah mein rakh
Naat kya hai? Sha'ur haasil kar
دل میں ہو عشق، لب پہ نغمۂ مدح
طوفِ گُل صورتِ عنادل کر
Dil mein ho ishq, lab pe naghma-e-madah
Toof-e-gul surat-e-anadil kar
چل پڑا ہے تو خامۂ فن کو
صد سلامت روی پہ مائل کر
Chal pada hai to khaama-e-fan ko
Sad Salamat rawi pe mail kar
ذات کو اُُن کی حُب میں گم کر دے
اپنے پُورے وجُود کو دِل کر
Zaat ko on ki hub mein gum kar de
Apne poore wujood ko dil kar
ہے ادب آفریں حضُورؐ کی ذات
اپنی دانش کو اُن کا سائل کر
Hai adab aafreen Huzoorﷺ ki zaat
Apni danish ko un ka sail kar
دل کی سچائیوں کو شعر میں ڈھال
صدق سے مدحتِ فضائل کر
Dil ki sachaiyon ko she’r mein dhaal
Sadiq se madahat-e-fazail kar
اپنے حرف و بیاں کی رگ رگ میں
اپنا خُونِ جگر بھی داخل کر
Apne harf o bayan ki rag rag mein
Apna khoon-e-jigar bhi daakhil kar
حُسنِ فن بھی، جمالِ معنیٰ بھی
لائقِ پیشکش بنیں مِل کر
Husn-e-fan bhi, jamaal-e-ma’na bhi
Laa’iq-e-peshkash banay mil kar
ہر کلی کو گُلِ بہار بنا
ہر ستارے کو ماہِ کامل کر
Har kali ko gul-e-bahaar bana
Har sitare ko maah-e-kaamil kar
سرورِؐ دیں قبُول فرمالیں
ایسا مہکے گُلِ ثنا کھل کر
Sarwar-e-Deen Qubool farma lein
Aisa mahke gul-e-sana khil kar
مدحِ سیرت جو کی، تو خُود کو بھی
پیروِ اُسوہ ہائے کامل کر
Madah-e-seerat jo ki, to khud ko bhi
Pairo-e-uswa haye kaamil kar
یعنی جب نعت کر چُکے تخلیق
نعت کو اپنے دل پہ نازل کر
Yani jab naat kar chuke takhleeq
Naat ko apne dil pe naazil kar
Share This Naat
Share with friends and family
مدحِ میر و قصیدۂ سُلطاں
عاصی کرنالی