میرے احساس میں تو ہے مرے کردار میں تو
پیاس سے بڑھ کے ہے پیمانۂ اقرار میں تو
Mere ehsaas mein tu hai mere kirdar mein tu
Pyaas se barh ke hai paimana-e-iqrar mein tu
اختیارات بھی لیتے ہیں اجازت تجھ سے
سر میں تو سر پہ سجائی ہوئی دستار میں تو
Ikhtiyaarat bhi lete hain ijaazat tujh se
Sar mein tu sar pe sajai hui dastar mein tu
دیدۂ ظاہر و باطن سے تجھے پہچانا
پردہء خاک میں تو شاخِ ثمر دار میں تو
Deeda-e-zaahir o baatin se tujhe pehchana
Parda-e-khaak mein tu shaakh-e-samar dar mein tu
اپنی آنکھوں میں لگاؤں تجھے سُرمے کی طرح
نظر آ جائے اگر کوچہ و بازار میں تو
Apni aankhon mein lagaun tujhe surme ki tarah
Nazar aa jaye agar koocha o bazar mein tu
دیکھنے والی نظر دیکھ رہی ہے تجھ کو
آئنہ آئنہ تو پردہء اَسرار میں تو
Dekhnay wali nazar dekh rahi hai tujh ko
Aaina aaina tu parda-e-asraar mein tu
مختلف زاویوں سے دیکھ رہا ہوں تجھ کو
دن میں تو رات میں تو پھول میں تو خار میں تو
Mukhtalif zaaviyon se dekh raha hoon tujh ko
Din mein tu raat mein tu phool mein tu khaar mein tu
Share This Naat
Share with friends and family
میرے احساس میں تو ہے مرے کردار میں تو
مظفر وارثی