کھل جائے مجھ پہ بابِ عنایات اے خدا
دیکھوں دیارِ نور کے دن رات اے خدا
Khul jaye mujh pe bab-e-anayaat ae Khuda
Dekhun diyar-e-noor ke din raat ae Khuda
باطن کی آنکھ کو بھی عطا روشنی کریں
ارض اللہ کے سعید مقامات اے خدا
Baatin ki aankh ko bhi aata roshni karein
Arz Allah ke saeed maqamaat ae Khuda
حائل نہ ضعفِ جاں رہے کیفِ حضور میں
رفعت کنار ہو مری اوقات اے خدا
Haa'il na zu'afe jaan rahe kaif-e-huzoor mein
Rifat kinara ho meri auqaat ae Khuda
پاکیزہ ہو بدن بھی مودب ہو روح بھی
پوری ہوں سب کی سب مری حاجات اے خدا
Pakeeza ho badan bhi muaddab ho rooh bhi
Puri hon sab ki sab meri haajaat ae Khuda
ظاہر نہ ہو کسی پہ مرے دل کا ماجرا
پلکوں کی اوٹ میں رہے برسات اے خدا
Zahir na ho kisi pe mere dil ka maajra
Palkon ki oT mein rahe barsaat ae Khuda
سارا سفر رضا کا سفر کاش بن سکے
کعبہ سے پاؤں شوق کی خیرات اے خدا
Saara safar raza ka safar kaash ban sake
Kaaba se paaon shauq ki khairaat ae Khuda
کھل جائیں میرے دل میں نئے زندگی کے باب
دیکھوں عریشِ بدرؔ کے لمعات اے خدا
Khul jayein mere dil mein naye zindagi ke bab
Dekhun Arish-e-Badr ke lama'at ae Khuda
جاکر در حضورؐ پہ پھر پیش کر سکوں
تازہ بتازہ نعت کے نغمات اے خدا
Ja kar dar huzoor pe phir paish kar sakun
Taaza be taaza na'at ke naghmat ae Khuda
خوانِ کرم پہ بیٹھ کے افطارِروزہ ہو
یوں اس فقیر کی ہو مدارات اے خدا
Khwani karam pe baith ke iftar-e-roza ho
Yun is faqir ki ho madarat ae Khuda
مابینِ عیرؔوثورؔ ہیں جتنے نِشانِ خیر
تقدیر میں ہوں ان کی زیارات ا ے خدا
Mabain-e-Eer'o Saur hain jitne nishan-e-khair
Taqdeer mein hon un ki ziyaaraat ae Khuda
مسجد جو فسؔح نام کی دیکھوں اؔحد کے ساتھ
ہوں وسعت آشنا مرے جذبات اے خدا
Masjid jo Faseh naam ki dekhun Ahad ke sath
Hon wus'at aashna mere jazbaat ae Khuda
نذرِ سلام احدؔ کے شہیدوں کو پیش ہو
قسمت میں پھر کبھی ہوں وہ ساعات اے خدا
Nazr-e-Salam Ahad ke shaheedon ko paish ho
Qismat mein phir kabhi hon wo sa'at ae Khuda
تاریخ گر مساجدِ طیبہ کو دیکھ کر
واضح ہو شانِ سیّدِ ؐ سادات اے خدا
Tareekh gar masjid-e-Taiba ko dekh kar
Wazeh ho shan-e-Sayyed-e-Sadaat ae Khuda
رکھتی ہے مسجدِ نبوی خاص امتیاز
پائے دل اس میں خاص ہی لذات اے خدا
Rakhti hai masjid-e-Nabwi khaas imtiyaaz
Pay dol is mein khaas hi lazaat ae Khuda
بیرِ اُریسؔ و رومہؔ، عرس و بضاعہ سے
قسمت میں میری کچھ تو ہوں قطرات اے خدا
Beir-e-Urays'o Roma, Urs o Bizaah se
Qismat mein meri kuch to hon qataraat ae Khuda
دیکھوں میں غارِ ؔسجدہ سکوں کی ملے نوید
کٹ جائے سارا عرصہء ظلمات اے خدا
Dekhun mein Ghar-e-Sajda sakoon ki mile naveed
Kat jaye saara arsa-e-zulmaat ae Khuda
پھر ہو رسائی مبرکِ ناقہ تلک مری
پیدا ہوں ایسے پھر کبھی حالات اے خدا
Phir ho rasaai mubaraka-e-naaqa talak meri
Paida hon aise phir kabhi halaat ae Khuda
ٹھیرا جہاں جہاں مہِ طیبہ کا کارواں
دیکھوں ان آنکھوں سے وہ مقامات اے خدا
Thera jahaan jahaan meh-e-Taiba ka qaafla
Dekhun in aankhon se wo maqamaat ae Khuda
تائبؔ فقیر کا رہے پھیرا سدا یہاں
میری یہی ہے عرض و مناجات اے خدا
Taib faqir ka rahe phera sada yahan
Meri yehi hai arz o munajaat ae Khuda
Share This Naat
Share with friends and family
کھل جائے مجھ پہ بابِ عنایات اے خدا
حفیظ تائب