تصور سے بھی آگے تک در و دیوار کھل جائیں
مری آنکھوں پہ بھی یا رب ترے اَسرار کھل جائیں
Tasavvur se bhi aage tak dar o deewar khul jaayen
Meri aankhon pe bhi ya rab tere asraar khul jaayen
میں تیری رحمتوں کے ہاتھ خود کو بیچنے نکلوں
مری تنہائیوں میں عشق کے بازار کھل جائیں
Main teri rehmaton ke haath khud ko bechne nikloon
Meri tanhaiyon mein ishq ke bazaar khul jaayen
جوارِ عرش اعظم اس قدر مجھ کو عطا کر دے
مرے اندر کے غاروں پر ترے انوار کھل جائیں
Jawar-e arsh e aazam is kadar mujh ko ata kar de
Mere andar ke ghaaroon par tere anwaar khul jaayen
اتاروں معرفت کی ناؤ جب تیرے سمندر میں
تو مجھ پر بادبانوں کی طرح منجدھار کھل جائیں
Utaaroon ma'arifat ki nao jab tere samandar mein
To mujh par baadbanon ki tarah manjhdhaar khul jaayen
اندھیروں میں بھی تو اتنا نظر آنے لگے مجھ کو
کہ سنّاٹے بھی مانندِ لب اظہار کھل جائیں
Andhero'n mein bhi tu itna nazar aane lage mujh ko
Ke sannate bhi maanind-e lab e izhaar khul jaayen
مرے مالک مرے حرفِ دعا کی لاج رکھ لینا
ملے توبہ کو رستہ بابِ استغفار کھل جائیں
Mere maalik mere harf-e dua ki laaj rakh lena
Mile tauba ko rasta bab e istighfaar khul jaayen
مظفرؔ وارثی کی اس قدر تجھ تک رسائی ہو
کہ اس کے ذہن پر سب معنیِ افکار کھل جائیں
Muzaffar Warisi ki is kadar tujh tak rasai ho
Ke is ke zehan par sab ma'ani e afkaar khul jaayen
Share This Naat
Share with friends and family
تصور سے بھی آگے تک در و دیوار کھل جائیں
مظفر وارثی