جہاں بھی ہو وہیں سے دو صدا سرکار سُنتے ہیں
سرِ آئینہ سُنتے ہیں پسِ دیوار سُنتے ہیں
Jahan bhi ho wahin se do sada Sarkar sunte hain
Sar-e-aaina sunte hain pas-e-deewar sunte hain
مِرا ہر سانْس اُن کی آہٹوں کے ساتھ چلتا ہے
مِرے دل کے دھڑکنے کی بھی وہ رفتار سُنتے ہیں
Mera har sans un ki aahatton ke sath chalta hai
Mere dil ke dhadakne ki bhi woh raftaar sunte hain
کھڑے رہتے ہیں اہلِ تخت بھی دہلیز پر اُن کی
فقیروں کی صدائیں بھی شہِ ابرار سُنتے ہیں
Khade rehte hain ahl-e-takht bhi dehleez par un ki
Faqeeron ki sadaaein bhi Sheh-e-abrar sunte hain
گنہگارو درودِ والہانہ بھیج کر دیکھو
وہ اپنے اُمّتی کا نغمۂ کردار سُنتے ہیں
Gunehgaaro durood-e-walahana bhej kar dekho
Woh apne Ummati ka naghma-e-kirdar sunte hain
وہ یُوں مِلتے ہیں جیسے زندگی میں کوئی مِلتا ہے
وہ سُنتے ہیں ہر اِک کی اور سرِ دربار سُنتے ہیں
Woh yun milte hain jaise zindagi mein koi milta hai
Woh sunte hain har ik ki aur sar-e-darbaar sunte hain
مَیں صدقے جاؤں اُن کی رَحْمَةُ الِّلْعَالَمِیْنی کے
پکارو چاہے کِتنی بار وہ ہر بار سُنتے ہیں
Main sadqe jaoon un ki Rahmatul-lil-Alameeni ke
Pukaro chahay kitni baar woh har baar sunte hain
مُظفّر جب کِسی محفل میں اُن کی نعت پڑھتا ہُوں
مِرا ایمان ہے وہ بھی مرے اشعار سُنتے ہیں
Muzaffar jab kisi mehfil mein un ki naat parha hoon
Mera imaan hai woh bhi mere ashaar sunte hain
Share This Naat
Share with friends and family
جہاں بھی ہو وہیں سے دو صدا سرکار سُنتے ہیں
مظفر وارثی