اک روز ہوگا جانا سرکار کی گلی میں
ہوگا کبھی ٹھکانہ سرکار کی گلی میں
Ik roz hoga jana Sarkar ki gali mein
Hoga kabhi thikana Sarkar ki gali mein
آنکھیں تو دیکھنے کو پہلے ہی مضطرب تھیں
دل بھی ہوا روانہ سرکار کی گلی میں
Aankhen to dekhne ko pehle hi muztarib theen
Dil bhi hua rawana Sarkar ki gali mein
گو پاس کچھ نہیں ہے لیکن یہ دیکھ لے گا
اک دن مجھے زمانہ سرکار کی گلی میں
Go paas kuch nahi hai lekin yeh dekh le ga
Ik din mujhe zamana Sarkar ki gali mein
کبھی ہو حسیں تصور کبھی خود میں جاؤں چل کر
رہے یونہی آنا جانا سرکار کی گلی میں
Kabhi ho haseen tasawwur kabhi khud mein jaon chal kar
Rahe yunhi aana jana Sarkar ki gali mein
ہیں کہیں خزاں کے پہرے کہیں دو گھڑی بہاریں
موسم سدا سہانا سرکار کی گلی میں
Hain kahin khazan ke pehre kahin do ghari bahaaren
Mausam sada suhana Sarkar ki gali mein
دل میں نبی کی یادیں لب پر نبی کی نعتیں
جانا تو ایسے جانا سرکار کی گلی میں
Dil mein Nabi ki yaadein lab par Nabi ki naaten
Jana to aise jana Sarkar ki gali mein
یہی رسم عاشقی ہے یہی جان بندگی ہے
سر رکھ کے نہ اٹھانا سرکار کی گلی میں
Yahi rasam aashiqi hai yahi jaan bandagi hai
Sar rakh ke na uthana Sarkar ki gali mein
سمجھیں گے ہم نیازیؔ ان کی کرم نوازی
جس دن ہوئے روانہ سرکار کی گلی میں
Samjhenge hum Niazi un ki karam nawazi
Jis din huay rawana Sarkar ki gali mein
Share This Naat
Share with friends and family
اک روز ہوگا جانا سرکار کی گلی میں
عبدالستار نیازی