مرے محبوب تے لکھاں صلوٰتاں
جہدے بولاں دے وچ قنداں نباتاں
Mere mehboob te lakhhan salawatan
Jehde bolan de vich qandan nabatan
چمک اُٹھے نے چن سورج تے تارے
نبی دے حُسن تو لَے لَے زکوٰتاں
Chamak uthe ne chan sooraj te tare
Nabi de husn to le le zakawatan
مری قسمت وی محبوبا بدل دے
تیرے ہتھ وچ نے سب قلماں دواتاں
Meri qismat vi mehbooba badal de
Tere hath vich ne sab qalman dawatan
کدوں اُٹھنا یزیدیت دا پہرہ
کدوں تک خوں پینا ایں فراتاں
Kadon uthna yazeediat da pehra
Kadon tak khoon peena ae faratan
گنہگاراں دی خاطر شاه عالم
لنگھایاں نے تُساں رو رو کے راتاں
Gunahangaran di khatir Shah Alam
Langhayan ne tusan ro ro ke ratan
کدی کردے او جا کے لامکاں تے
خدا دے سامنے گلاں تے باتاں
Kadi karde o ja ke la makaan te
Khuda de samne gulan te batan
ترے دربار تے ہُندے نے حاضر
جنہاں دیاں سوہنیاں چنگیاں براتاں
Tere darbar te hunde ne hazir
Jinhaan dian sohnian changian baratan
کی اُس دی نعت لکھ سکدا اے صائم
خدا خود جس دیاں پڑھدا اے نعتاں
Ki us di naat likh sakda ae Sa'im
Khuda khud jis dian parhda ae naatan
Share This Naat
Share with friends and family
مرے محبوب تے لکھاں صلوٰتاں
علامہ صائم چشتی