اوہ جھولی کسے نہ کم دی اے جے خیر پیار چ کوئی نئیں
اس اکھ دے پلے ککھ وی نئیں جو یار دے غم وچ روئی نئیں
Oh jholee kise na kam di ae je khair pyar ch koi ni
Is akh de pale kakh vi ni jo yaar de gham vich roi ni
لکھ بھانویں ہار شنگھار کرے پئی نخرے ناز ہزار کرے
جنھوں یتیم اپنا نہ سمجھے اوہ اجے سہاگن ہوئی نئیں
Lakh bhanwen haar shanghaar kare payi nakhre naaz hazaar kare
Jinhun yateem apna na samjhe oh aye sahagan hoi ni
اینویں پروانے جلدے نئیں اینویں تے دیوے بلدے نئیں
جو عشق نبی وچ مر جاوے اوہ جیوندی اے، اوہ موئی نئیں
Enwen parwane jalde ni enwen te dewe balde ni
Jo ishq Nabi vich mar jaave oh jeewndi ae, oh moi ni
در در دے ٹھیڈے کھاویں گا جے پٹہ نہ گل وچ پاویں گا
فیر سارا زمانہ آکھے گا ایہدا والی وارث کوئی نئیں
Dar dar de thide khaaven ga je patta na gal vich paaven ga
Pher saara zamana aakhe ga ehdha wali waaris koi ni
ایہدا کم اے سچیاں سچیاں دا الفت نئیں دعویٰ کچیاں دا
بھانڈے نوں تریڑاں پین گیاں جے مٹی دب کے گوئی نئیں
Ehdha kam ae sachiyaan sachiyaan da ulfat ni daway kachiyaan da
Bhaande nu trirran pain gayaan je mitti dab ke goi ni
نسبت پہچان ظہوریؔ اے پر نیت بہت ضروری اے
جو اپنے پیا دی ہوئی نئیں اوہنوں ملدی کتے وی ڈھوئی نئیں
Nisbat pehchaan Zahoori ae par neeyat bohot zaroori ae
Jo apne piya di hoi ni ohnu maldi kitte vi dhoi ni
Share This Naat
Share with friends and family
اوہ جھولی کسے نہ کم دی اے
محمد علی ظہوری