سب نبیاں دا پیر ہے سوہنا
خالق دی تصویر ہے سوہنا
Sab nabiyan da peer hai sohna
Khaaliq di tasveer hai sohna
خواب چ آمنہ نے جو تکیا
اوسے دی تعبیر ہے سوہنا
Khawab ch aa'mna ne jo takya
Usay di tabeer hai sohna
کیوں ناں تھاں تھاں چانن کردا
رب دا مہر منیر ہے سوہنا
Kyun na thaan thaan channan karda
Rab da mehr muneer hai sohna
اپنے ہتھیں آپے لکھدا
عالم دی تقدیر ہے سوہنا
Apne hathen aape likhda
Aalam di taqdeer hai sohna
رات معراج دی عرشوں اگے
جاندا رستے چیر ہے سوہنا
Raat miraaj di arshon agay
Jaanda raste cheer hai sohna
اِنَّا اَعْطَيْنُكَ الْكَوْثر
دی پوری تفسیر ہے سوہنا
Inna a'tainaka al-kausar
Di poori tafseer hai sohna
ہر جاگیر اے اوہدی صائم
اللہ دی جاگیر ہے سوہنا
Har jageer ae ohdi Saai'm
Allah di jageer hai sohna
Share This Naat
Share with friends and family
سب نبیاں دا پیر ہے سوہنا
علامہ صائم چشتی