میرے ہر کیف کا سامان رسولِ عربیؐ
میری ہر درد کا درمان رسولِ عربیؐ
Mere har kaif ka saamaan Rasool-e-Arabi ﷺ
Meri har dard ka darman Rasool-e-Arabi ﷺ
بے نیاز دو جہاں بحرِ سخا دل کے غنی
ہیں گدا آپؐ کے سلطان رسولِ عربی ؐ
Be-niaz do jahan bahr-e-sakha dil ke ghani
Hain gada aap ﷺ ke sultan Rasool-e-Arabi ﷺ
آنکھ بخشی ہے تو جلووں سے سرافراز کرو
اَور ہو جائے یہ احسان رسولِ عربیؐ
Aankh bakhshi hai to jalwon se sarafraz karo
Aur ho jaye ye ehsaan Rasool-e-Arabi ﷺ
تم کو ہی دیکھ کے اَن دیکھے خدا کو مانا
تم ہو اللہ کی پہچان رسولِ عربیؐ
Tum ko hi dekh ke an dekhe Khuda ko mana
Tum ho Allah ki pehchaan Rasool-e-Arabi ﷺ
بندگی آپؐ کے عشاق کی ہے آپکی یاد
آپؐ کا عشق ہے ایمان رسولِ عربیؐ
Bandagi aap ﷺ ke ashaaq ki hai aapki yaad
Aap ﷺ ka ishq hai imaan Rasool-e-Arabi ﷺ
زندگی آپؐ کے جلووں نے عطا کی ورنہ
حُسن کونین تھا بے جان رسولِ عربیؐ
Zindagi aap ﷺ ke jalwon ne ata ki warna
Husn konain tha be jaan Rasool-e-Arabi ﷺ
آپؐ کے ذکر سے بہتر کوئی شے اور نہیں
آپؐ ہی ہیں مرا ارمان رسولِ عربی ؐ
Aap ﷺ ke zikr se behtar koi shai aur nahi
Aap ﷺ hi hain mera armaan Rasool-e-Arabi ﷺ
تا ابد یورشِ طوفاں سے رہے گا محفوظ
آپؐ ہیں جس کے نگہبان رسولِ عربیؐ
Ta abad yorish-e-toofan se rahe ga mehfooz
Aap ﷺ hain jis ke nigehban Rasool-e-Arabi ﷺ
زمزمہ نعت کا گونجا جو لبِ خالدؔ پر
سْرخرو ہوگیا ایمان رسولِ عربیؐ
Zamzama naat ka goonja jo lab-e-Khalid par
Surkhuru ho gaya imaan Rasool-e-Arabi ﷺ
Share This Naat
Share with friends and family
میرے ہر کیف کا سامان رسولِ عربیؐ
خالد محمود خالد