دل کے حرا میں ‘ اپنے خدا سے تیرے سوا ‘ کچھ بھی نہ مانگا
تُو مرا اَوّل ‘ تُو مرا آخر تُو مرا ملجا ‘ تُو مرا ماویٰ
Dil ke hira mein ' apne khuda se tere siwa ' kuch bhi na manga
Tu mera awwal ' tu mera aakhir tu mera malja ' tu mera mawa
بعدِ خدا اِک تُو ہی سہارا ‘ گھِر گیا میں تنہا بے چارا
چار طرف تاریخ کا جنگل ‘ تاک میں اَپنے ‘ گھات میں اَعدا
Baad-e-khuda ik tu hi sahara ' ghir gaya mein tanha bechara
Chaar taraf tarikh ka jangal ' taak mein apne ' ghaat mein ada
کتنے صحیفے میں نے کھنگالے ‘ نصف اَندھیرے ‘ نصف اُجالے
تو ہی حقیقت ‘ تو ہی صداقت ‘ باقی سب کچھ صرف ہیولا
Kitne sahife maine khangale ' nisf andhere ' nisf ujale
Tu hi haqeeqat ' tu hi sadaqat ' baqi sab kuch sirf hiola
یوں تو ہزار سیانے آئے ‘ رُوح کا دشت بسانے آئے
تیری گھٹا صحراؤں پہ اُمڈی ‘ اَبر اُن کا دریاؤں پہ برسا
Yun to hazar siyanay aaye ' rooh ka dasht basanay aaye
Teri ghata sahrraon pe umdi ' abr un ka daryaon pe barsa
بت خانے حیران کھڑے ہیں ‘ بت تیرے قدموں میں پڑے ہیں
تیرے جمال کی زد میں آکر ‘ کیسا کیسا پتھر ٹو ٹا
But khana hairan kharay hain ' but tere qadamoun mein paray hain
Tere jamal ki zad mein aakar ' kaisa kaisa pathar tuta
تو نے دِیا مفہوم نمو کو ‘ تو نے حیات کو معنی بخشے
تیرا وجود اثبات خدا کا ‘ تو جو نہ ہوتا ‘ کچھ بھی نہ ہوتا
Tu ne diya mafhoom numo ko ' tu ne hayat ko maani bakhshay
Tera wajood isbat khuda ka ' tu jo na hota ' kuch bhi na hota
Share This Naat
Share with friends and family
دل کے حرا میں ‘ اپنے خدا سے
احمد ندیم قاسمی