اللہ اللہ مرے نبی دی سب توں شان نرالی اے
سب دے عیب چھپاون والی اوس دی کملی کالی اے
Allah Allah mere Nabi di sab ton shan nirali ae
Sab de ayyib chhapan wali os di kamli kali ae
میریاں امیداں دا گلشن ہریا بھریا رہندا اے
جس دن توں میں سبز گنبد دی دیکھ لی ہریالی اے
Meriyaan umeedan da gulshan hariya bhariya rehnda ae
Jis din ton main sabz Gunbad di dekh li hariali ae
منہ مدینے ولے کر کے کر فریاداں رو رو کے
اوہ سوہنا لج پال ہے جس نے ہر اک دی لج پالی اے
Muhn Madine wale kar ke kar fariadaan ro ro ke
Oh sohna lajpal hai jis ne har ek di laj pali ae
لکھ روے کوئی کر دا بھاویں دل تھیں اللہ اللہ ہو
جے نئیں دل وچہ عشق نبی دا سمجھو بھانڈا خالی اے
Lakh rove koi kar da bhaven dil thon Allah Allah ho
Je nai dil vich ishq Nabi da samjho bhanda khali ae
نبیاں دے سلطان دے در دا صدقہ جنہوں جڑیا اے
اس خوش بخت گدا دے در دا ویکھیا جگ سوالی اے
Nabiyan de Sultan de dar da sadqa jinhun juriya ae
Us khush bakht gada de dar da vekhia jag sawali ae
مینوں سدھ بدھ ہو نہ کوئی اینی گل سمجھا دیواں
جس تے راضی ہویا سونہاں اوہو کرماں والی اے
Mainu sadh budh ho na koi eni gal samjha dewaan
Jis te razi hoya sonhaan oho karmaan wali ae
اوہدی مثل مثال نہ کوئی اوہدے جیہا لج پال وی نئیں
سوہنیاں دے اوہ سر دا سائیں کو ہجیاں دا وی والی اے
Ohdi misl misal na koi ohde jeha laajpal vi nahin
Sohniyaan de oh sar da saan ko hijiyaan da vi wali ae
سدا درود و سلام دے تحفے رب بھیجے جس سوہنے نوں
سب کچھ اوہدی خاطر ہویا اوہ کونین دا والی اے
Sada durood o salaam de tohfay Rab bheje jis sohne nu
Sab kuch ohdi khatir hoya oh konain da wali ae
جھولی وچہ خوشبوآں بھر کے سوہنے نبی دے نام دیاں
مرے شعراں دے گلشن دی مہکی ڈالی ڈالی اے
Jhuli vich khushbooan bhar ke sohne Nabi de naam diyaan
Mere shaaran de gulshan di mehki daali daali ae
دل وچہ عشق دا چانن ہووے فیر نیازی دیکھ ذرا
اوہ سرکار دا روضہ دسدا اوہ روضے دی جالی اے
Dil vich ishq da channan hove feer Niazi dekh zara
Oh Sarkar da rozza dasda oh rozze di jali ae
Share This Naat
Share with friends and family
اللہ اللہ مرے نبی دی سب توں شان نرالی اے
عبدالستار نیازی