میں کبھی نثر کبھی نظم کی صورت لکھوں
تیری صورت تیری سیرت تری مدحت لکھوں
Main kabhi nasr kabhi nazm ki soorat likhoon
Teri soorat teri seerat teri madahat likhoon
تیری نعمتیں کبھی الہام کی صورت اتریں
آنکھ میں خواب لیے رازِ حقیقت لکھوں
Teri naimatain kabhi ilham ki soorat utrain
Aankh main khwab liye raaz-e-haqiqat likhoon
مسجدیں مدرسے بارود کی زد میں آئے
کس طرح شعر میں اُمّت کی مصیبت لکھوں
Masjiday madarsay barood ki zad main aayen
Kis tarah she'r main ummat ki museebat likhoon
یادِ طیبہ میں برستی رہیں آنکھیں میری
کیسے اشکوں سے میں نغماتِ عقیدت لکھوں
Yaad-e-Tayba main barasti rahain aankhain meri
Kaise ashkon se main naghmaat-e-aqeedat likhoon
اس کے الفاظ میں کِھلتے ہیں عقیدت کے گلاب
تیری تعریف میں جو بھی میں عبارت لکھوں
Us ke alfaz main khiltay hain aqeedat ke gulaab
Teri tareef main jo bhi main ibarat likhoon
پورے قرآن میں توصیف لکھی ہے تیری
اس کو پڑھ پڑھ کے تری شانِ رسالت لکھوں
Poore Qur'an main tauseef likhi hai teri
Us ko parh parh ke teri shan-e-risalat likhoon
بزم میں ہوں تو زباں پہ ہو ترا ذکرِ جمیل
ہو جو تنہائی میسّر تری الفت لکھوں
Bazm main hoon to zubaan pe ho tera zikr-e-jameel
Ho jo tanhai mayassar teri ulfat likhoon
ماں نے بچپن میں مجھے یہ بھی نصیحت کی تھی
جب تلک زندہ رہوں آپ کی مدحت لکھوں
Maan ne bachpan main mujhe ye bhi naseehat ki thi
Jab talak zinda rahoon aap ki madahat likhoon
Share This Naat
Share with friends and family
میں کبھی نثر کبھی نظم کی صورت لکھوں
ابراہیم حسان