محبوب دو جہاں کی کوئی کیا مثال دے
بے جان سنگریزوں میں جو جان ڈال دے
Mahboob-e-do jahan ki koi kya misaal de
Bejaan sangrezon mein jo jaan daal de
رہتا ہے وہ مدینے میں مشکل کشا مرا
دم بھر میں مشکلوں سے جو مجھ کو نکال دے
Rehta hai woh Madine mein mushkil kusha mera
Dam bhar mein mushkilon se jo mujhko nikaal de
ہے مانگنا اگر تو حبیب خدا سے مانگ
ممکن نہیں وہ در سے تجھے خالی ٹال دے
Hai maangna agar to Habeeb-e-Khuda se maang
Mumkin nahi woh dar se tujhe khaali taal de
میرے کریم اپنے نواسوں کے نام پر
دونوں جہاں کی نعمتیں جھولی میں ڈال دے
Mere Kareem apne nawason ke naam par
Dono jahan ki naimatein jholi mein daal de
مجھ کو نہیں ہے دولت دنیا کی کچھ طلب
سائل ہوں تیرا تو مجھے عشق بلال دے
Mujh ko nahi hai daulat-e-duniya ki kuch talab
Sail hoon tera to mujhe ishq-e-Bilal de
بے حال کر رہے ہیں زمانے کے غم حضور
اپنی عنایتوں سے بدل میرا حال دے
Behal kar rahe hain zamane ke gham Huzoor
Apni inayaton se badal mera haal de
دیکھوں ترا جمال تو پھر دیکھتا رہوں
اتنی مری نگاہ کو تاب جمال دے
Dekhoon tera jamaal to phir dekhta rahoon
Itni meri nigah ko taab-e-jamaal de
قلب حزیں کو جب نہ کہیں سے ملے سکوں
تسکین اس گھڑی فقط ترا خیال دے
Qalb-e-hazeen ko jab na kahin se mile sakoon
Taskeen is ghadi faqat tera khayaal de
خاموش کب سے در پہ ترے ہے کھڑا فقیر
مرے کریم اس کو بھی اذن سوال دے
Khamosh kab se dar pe tere hai khada faqeer
Mere Kareem is ko bhi izn-e-sawal de
آقا غم حیات کی اس تیز دھوپ میں
سایہ تو مجھ پہ چادر رحمت کا ڈال دے
Aaqa gham-e-hayat ki is tez dhoop mein
Saaya to mujh pe chadar-e-rehmat ka daal de
ساقی ترا بھلا ہو ترے میکدے کی خیر
اک جام مستیوں کا ادھر بھی اچھال دے
Saqi tera bhala ho tere maikade ki khair
Ek jaam mastiyon ka idhar bhi uchaal de
گاؤں گا اس کے خلق کے میں گیت عمر بھر
جو سنگ دل کو موم کی صورت میں ڈھال دے
Gaaoon ga us ke khalaq ke mein geet umr bhar
Jo sangdil ko mom ki surat mein dhaal de
ایسے سخی نبی کا نیازی ہوں امتی
جو پل میں بے کمال کو شان کمال دے
Aise sakhi Nabi ka Niazi hoon Ummat
Jo pal mein be-kamaal ko shaan-e-kamaal de
Share This Naat
Share with friends and family
محبوب دو جہاں کی کوئی کیا مثال دے
عبدالستار نیازی