دنیا میں جن کے نُور کی چھائی ہے روشنی
آنکھوں نے ان کے نُور سے پائی ہے روشنی
Duniya mein jin ke noor ki chayi hai roshni
Aankhon ne un ke noor se payi hai roshni
غارِ حرا سے نُور کی پھوٹی ہے جو کرن
ظلمت سے دُور سب کو وہ لائی ہے روشنی
Ghaar-e-Hira se noor ki phooti hai jo kiran
Zulmat se door sab ko woh layi hai roshni
دنیا و آخرت میں وہی سرخرو ہوئے
جس نے بھی زندگی میں کمائی ہے روشنی
Duniya-o-aakhirat mein wahi sarfru hue
Jis ne bhi zindagi mein kamayi hai roshni
بطحا کے آسمان پہ چمکا عرب کا چاند
ہر سو اسی قمر کی ہی چھائی ہے روشنی
Bathha ke aasmaan pe chamka Arab ka chand
Har su usi qamar ki hi chayi hai roshni
میرے نبیؐ کا حکم ہے مخلوق کا سدا
کرتے رہو بھلا کہ بھلائی ہے روشنی
Mere Nabi ﷺ ka hukm hai makhlooq ka sada
Karte raho bhala ke bhalaai hai roshni
تطہیر تن کی حصۂ ایمان بھی ہے سچ
پر جان لو کہ من کی صفائی ہے روشنی
Tathir tan ki hisa e imaan bhi hai sach
Par jaan lo ke man ki safai hai roshni
چھائی ہوئی تھیں چار سو تاریکیاں جلیل
میرے نبیؐ نے آکے دکھائی ہے روشنی
Chayi hui thin chaar su tarikiyan Jaleel
Mere Nabi ﷺ ne aake dikhayi hai roshni
Share This Naat
Share with friends and family
دنیا میں جن کے نُور کی چھائی
حافظ عبدالجلیل