مظہرِ شانِ حق ہے جمالِ نبیؐ
سیرتِ مصطفیٰ ہے کمالِ نبیؐ
Mazhar-e-shan-e-Haq hai jamaal-e-Nabiؐ
Seerat-e-Mustafa hai kamaal-e-Nabiؐ
آسماں پر چمکتا ہوا یہ قمر
پر توِ آئینہ ہے جمالِ نبیؐ
Aasmaan par chamakta hua yeh qamar
Par to-e-aaeena hai jamaal-e-Nabiؐ
ان کے سارے صحابہؓ نجومِ فلک
ہے فقط کشتیٔ نوح آلِ نبیؐ
Un ke saare sahaabahؓ nujoom-e-falak
Hai faqat kashti-e-Nooh aal-e-Nabiؐ
ہیں وہ رحمت سراپا مگر جان لو
ہے جلالِ خدا ہی جلالِ نبیؐ
Hain wo rehmat saraapa magar jaan lo
Hai jalaal-e-Khuda hi jalaal-e-Nabiؐ
کثرتِ سجدہ، قربِ خدا، مصطفٰیؐ
ہے وصالِ الٰہی وصالِ نبیؐ
Kasrat-e-sajda, qurb-e-Khuda, Mustafaؐ
Hai wisaal-e-ilaahi wisaal-e-Nabiؐ
اپنی مرضی سے کوئی تکلّم نہیں
ہیں وحیٔ الٰہی مقالِ نبیؐ
Apni marzi se koi takallam nahi
Hain wahi-e-ilaahi maqaal-e-Nabiؐ
اک عجب کیف پایا ہے دل نے مرِے
جب بھی آیا ہے دل میں خیالِ نبیؐ
Ek ajab kaif paaya hai dil ne mere
Jab bhi aaya hai dil mein khayaal-e-Nabiؐ
ہے جلیل اپنے دامن میں کچھ بھی نہیں
جو بھی ہے یہ فقط ہے نوالِ نبیؐ
Hai jaleel apne daaman mein kuchh bhi nahi
Jo bhi hai yeh faqat hai nawaal-e-Nabiؐ
Share This Naat
Share with friends and family
مظہرِ شانِ حق ہے جمالِ نبیؐ
حافظ عبدالجلیل